OCTOBER 13-19
ASAN-IBO 7-8
Ihuan 39 Kevbe Erhunmwu | Ẹmwẹ Ọghe Omuso (Ifuanro 1)
1. “Gha Rrie Owa Ne A Na Khiẹ”
(Ifuanro 10)
Gha rhie ifuẹko ne emwa ni khiẹ (Asan 7:2; it “Akhiẹ” ¶9)
Gha ya unu kaẹn uyinmwẹ esi ne ọmwa nii nọ wu ghaa mwẹ, ọna gha sẹtin fu ọmwa nọ khiẹ ẹko rre (Asan 7:1; w19.06 23 ¶15)
Gha gu emwa ni khiẹ na erhunmwu (w17.07 16 ¶16)
GHẸ MIANMIAN WẸẸ: Etẹn ni khiẹ wa ye gualọ iyobọ ọghe ima, uhiẹn vbe ẹghẹ eso gha gberra nẹ ne ọmwa iran ghi ya wu.—w17.07 16 ¶17-19.
2. Emwi Ewe Ọghe Orhiọn
(Ifuanro 10)
Asan 7:20-22—De vbene avbe uviẹn na khian ya ru iyobọ ne ima ya rẹn deghẹ ọ khẹke ne ima bu ọmwa nọ ru emwi nọ sọnnọ ima? (w23.03 31 ¶18)
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Asan 8:1-13 (th iruẹmwi 10)
4. U Gha Khian Suẹn Gha Gu Emwa Guan
(Ifuanro 2) IKPORHU ỌGHE ADESẸ ORERE. Hia ne u rẹn uhunmwuta nọ gha yẹẹ ọmwa ne u kporhu ma, u ghi vbe ru emwamwa ne uwa eva mieke na sẹtin zẹ iro yan rẹn vbe ẹghẹ ọvbehe. (lmd iruẹmwi 2 uhunmwu ẹmwẹ 4)
5. U Gha Khian Suẹn Gha Gu Emwa Guan
(Ifuanro 2) IKPORHU ỌGHE ẸGHẸ KE ẸGHẸ. (lmd iruẹmwi 2 uhunmwu ẹmwẹ 3)
6. Rhie Obọ Lelẹe
(Ifuanro 2) KE OWA YA SẸ OWA. Ma ọmwa nii re, emwi nọ rre wẹbsait ọghomwa, nọ re jw.org. (lmd iruẹmwi 9 uhunmwu ẹmwẹ 4)
7. Rhan Otọ Emwi Ne U Yayi
(Ifuanro 5) Orhiema. ijwfq uhunmwuta 50—Uhunmwuta: De Vbene Irorinmwi Ọghe Avbe Osẹe Jehova Ye Hẹ? (th iruẹmwi 17)
Ihuan 151
8. Gha Mwẹ Amuẹtinyan Nọ Wegbe Wẹẹ, Emwa Ni Wulo Gha Rhiọ Kpaegbe
(Ifuanro 15) Ọta na koko zẹ iro yan.
E Jehova yan rẹn wẹẹ, irẹn gha huẹn emwa ni wulo kpaegbe, ẹse ọhẹ nai miẹn egbọre eva ẹre ọna khin. Ọ ya ima rẹn wẹẹ, Osa nọ mwẹ ẹtin, ẹwaẹn kevbe itohan ẹre Jehova khin, nọ ghi wa sẹ ehia ọre wẹẹ, ọ hoẹmwẹ dọmwadẹ ima.—Jọn 3:16.
Ma ghaa mwẹ amuẹtinyan nọ wegbe wẹẹ, emwa ni wulo gha rhiọ kpaegbe, ọ gha ru iyobọ ne ima ya rhie aro gberra ọlọghọmwa ne ima ye. (2 Kọr 4:16-18) Ọ gha vbe ru iyobọ ne ima ya gha mwẹ ọfunmwegbe kevbe ifuẹko, uhiẹn vbe a ghaa zẹ ima kpokpo, vbe ima ghaa khuọnmwi, ra vbe ọmwa ne ima hoẹmwẹ ọnrẹn gha wu. (1 Tẹs 4:13) Ma i khian sẹtin gele gha ghọghọ, adeghẹ ma i mwẹ amuẹtinyan wẹẹ, emwa ni wulo gha rhiọ kpaegbe. (1 Kọr 15:19) Hia vbe odẹ ke odẹ, ne u mieke na gha mwẹ amuẹtinyan nọ wegbe wẹẹ, emwa ni wulo gha rhiọ kpaegbe.
Tie Jọn 11:21-24. Iyeke ọni, u ghi we ne etẹn zẹ ewanniẹn ye avbe inọta na:
De vbene Mata ya rhie ẹre ma we irẹn mwẹ amuẹtinyan nọ wegbe wẹẹ, emwa ni wulo gha rhiọ kpaegbe?
Vbe a ghi ya san rẹn ẹse hẹ, rhunmwuda amuẹtinyan nọ ghaa mwẹ?—Jọn 11:38-44
Kpee VIDIO na Ya Egbe Taa Ikhuo Ni Mwẹ Amuẹtinyan Nọ Wegbe! —E Mata. Iyeke ọni, u ghi we ne etẹn zẹ ewanniẹn ye avbe inọta na:
Vbọzẹ ne arhiọkpaegbe ne ima ya aro yi na yẹẹ ruẹ?
Vbua khian ru, ne u mieke na gha mwẹ amuẹtinyan nọ wegbe wẹẹ, emwa ni wulo gha gele rhiọ kpaegbe?
9. Iruẹmwi E Baibol Ọghe Iko
(Ifuanro 30) lfb iruẹmwi 26-27