Takáá Iihtsipáítapiiyoʼpa Otákkaamiksi?

Jehovah ísstoh­kanaoʼt­ssátak­kaamiiwa Ohkóyi Jesus Christ ki iikáísakakimmiiwáyi. Otsítsaomáísainnisoohsi Jesus iitáyáópiiwa sspóóhtsi anistáʼpssiwa ísskonataʼpssiwa naatoyítapiwa. (John 17:5) Ki iitsiksísapoowa annó ksááhkoyi ááhkitohtsikamoʼtssksínimaʼtsaahsi matápii Iihtsipáítapiiyoʼpa. (John 18:37) Ohkáttomátskahtooma otsipáítapiiyssini ááhkitohtsikámotsiipiaahsaawa nóóhkáánistaiʼtoyiiksi Iihtsipáítapiiyoʼpa, ááhkitssawattáíʼnssaawa ki ááhkitssawattáípahtsáʼpssaawa. (Romans 6:23) Jesus ánnohk Íítohkínníínaawa Iihtsipáítapiiyoʼpa Otokákihtsimaani, ámohka okákihtsimaani ohtóʼtaawattaʼtstooʼpa sspóóhtsi, áakohtanátsistotsiiʼpa annó ksááhkoyi, áakiitanistapiiwa Matsowáʼpiʼnssimaani.​—Revelation 19:16.

Iihtsipáítapiiyoʼpa ohkáttawakkáámiiwa naatoyítapiiksi. Naatoyítapiiksi máátohtoʼtomátapipaitapiiyaawa annó ksááhkoyi. Iihtsipáítapiiyoʼpa iiksstónnatakááʼpistotakiwa naatoyítapiiksi, iitóómaʼpistotoyiiwaiksi otsítsaomáʼpaistotsiʼsi annó ksááhkoyi. (Job 38:4-7; Daniel 7:10) Ámoksska naatoyítapiiksi awakkáámiiksi Iihtsipáítapiiyoʼpa ohkattáísstaayaawa matápii ááhkohtáíkamoʼtssksínimaʼtsaahsaawa Jehovah.​—Revelation 14:6, 7.

Iihtsipáítapiiyoʼpa ohkáttsitákkaayiiwa annó ksááhkoyi; níítáínihkatsiiwaiksi otátohkaʼtohtaaniksi. Amá áítsinikiwa aoʼtóíʼpoyissi iihtáíkamoʼtaaniiwa otssksínihpi tsááhtaoʼ otsíínihpi. Niʼtóyi Jehovah Otátohkaʼtohtaaniksi iihtáítsinikiyaawa Iihtsipáítapiiyoʼpa otsitsííhtaanistsi ki otánistssksínoahsaawa Jehovah. (Isaiah 43:10) Jehovah Otátohkaʼtohtaaniksi áyiimatsiiyaawa naatoyítapiiksi, ohkattáísstaayaawa kitáahkohtsspommoyssi kitááhkohtsikamoʼtssksínimaʼtsookoohsi Jehovah. Kitáísstakkiaawa kitááhkohkattawákkaamahsi Iihtsipáítapiiyoʼpa.