Takáá Iihtsipáítapiiyoʼpa Máátáíksoʼkowammiiwa?

Iihtsipáítapiiyoʼpa iitóómssawaiksoʼkowammiiwa Makáʼpatoʼsiwa. Ámohka naatoyítapiwa áʼpimmiiwa Jehovah. Makáʼpatoʼsiwa sáákiomaanistáíitsskaamiiwa Iihtsipáítapiiyoʼpa ki iikáísskáíʼpiyistotoyiiwa matápiiksi. Makáʼpatoʼsiwa iiksstónnatokaʼpssiwa ki iikssáyiipitsiwa ki áíksimiʼnikkiwa.​—John 8:44.

Stsíkiiksi naatoyítapiiksi íítsitáʼpssiyaawa Makáʼpatoʼsiwa ki stámohkát­tohkana­waʼpim­mii­yaawa Iihtsipáítapiiyoʼpa. Níítanistsínihkatayaawa anní Naatóyssínaakssini makáʼpatoʼsiiksi. Niʼtóyi Makáʼpatoʼsiwa, ámoksi makáʼpatoʼsiiksi máátáíksoʼkowammiiyaawa matápiiksi, iikáyaahsiʼtsimiaawa ááhkáwaakanahsaawa matápii. (Matthew 9:32, 33; 12:22) Jehovah áíʼtamáakáánooksiksistotoyiiwa Makáʼpatoʼsiwa ki otokáʼpatoʼsiimiksi, áakiitsawattáípiyistotoyiiyaawa matápiiksi.​—Revelation 12:12.

Ikkámsstáíniki kitááhkawakkaamahsi Iihtsipáítapiiyoʼpa, kimáátáakáístotsiiʼpa Makáʼpatoʼsiwa otáísstaahsi kitááhkanistaʼpáísssi. Makáʼpatoʼsiwa ki otokáʼpatoʼsiimiksi áíkaimmiiyaawa Jehovah, máátáíksoʼkowammiiyaawa Iihtsipáítapiiyoʼpa, ki máátohkattáísstaayaawa kitáahkáíksoʼkowammahsi Iihtsipáítapiiyoʼpa. Kitáaksstsínaiʼsskskaʼtsiiʼpa takáá kitáakánistaiʼtoawa​—Makáʼpatoʼsiwa tsááhtaoʼ Jehovah. Ikkámsstáíniki kitááhkomaanistáípaitapiiyssi kitáaksstsinaiʼsapáatooʼpa Iihtsipáítapiiyoʼpa otsitsííhtaani. Makáʼpatoʼsiwa iiksísttskssaʼpssiwa ki iikákaoyi iihtáwaattsiistotoyiiwa matápii.​—Revelation 12:9.