Iihtsipáítapiiyoʼpa Otákkaamiksi Áístotsimiaawa Sokáʼpiiwa

Amá kitákkaama áísokaʼpaissiwa kitáakáíyiniʼyimmawa ki kitáakáíssaaksiimatawa otánistaʼpaissspi. Iitssínaiiʼpa Naatóyssínaakssini, “Jehovah sokáʼpssiwa ki íkamoʼtsítapiwa.” (Psalm 25:8) Áakohkottákkaamawa Iihtsipáítapiiyoʼpa ikkamáísokaʼpaissoʼki ki ikkamáíkamoʼtaʼpaissoʼki. Iitssínaiiʼpa Naatóyssínaakssini: “Áyiimatsisa Iihtsipáítapiiyoʼpa, niʼtóyi amá pookááwa niitánistáwaakomimmahpi ónni, ki áísapáwaawahkatoot áákomimmotsiiyssini.” (Ephesians 5:1, 2) Ámoistsi iitssínaiiʼpa kitáakánistohkottáyiimatahpi Iihtsipáítapiiyoʼpa:

Nóóhkohkowaʼpssit. “Áakáíiyikáʼpoʼtsiiʼpa ááhkáísoksistotoahsi kanáítapiiksi.”​—Galatians 6:10.

Áíiyikáʼpoʼtakit. “Amá áíkamoʼsiwa ááhkssawattáíkamoʼssi, ááhksstamsstaanáíiyikaʼpoʼtakssi, oʼtsíístsi ááhkohtáíiyikaʼpoʼtakssi sokáʼpiiwa.”​—Ephesians 4:28.

Áakáíksikkiʼtsiiʼpa kistóminnooni máátáakokáʼpiksimsstaoʼpa ki áakáísokaʼpaissoʼpa. “Áakáóhsohkiiʼpa ohtáókaʼpiksimsstaoʼpi ki ohtáóksistotsiiʼpi kistóminnooni, ohtáíyiniʼyimmawa Iihtsipáítapiiyoʼpa aʼyáístotsiiʼki áátowaʼpiiwa.”​—2 Corinthians 7:1.

Kitsítapíímiksi kitáaká­waa­komim­ma­yaawa ki kitáakáíyiniʼyimmayaawa. “Kitáakánista­waa­komim­ma­yaawa kitohkíímaanoaawayi kitánistá­waa­komim­mohs­soaayi; ki ámohka itapóóhtsi, amá iyóómi áakáíyiniʼyimmahsi óomi. Pookáíksi, óóhkanistaiʼtosaawa kínnoaawa ki kiksísstoaawa.”​—Ephesians 5:33–6:1.

Óóhkáwaakomimmis kanáítapii. “Otohtóʼtstsissi áákomimmotsiiyssini Iihtsipáítapiiyoʼpa, áakóóhkomaanistawaakomimmotsiiyoʼpa.”​—1 John 4:7.

Áakanistaiʼtoayaawa áókakihtsimaiksi. “Kanáítapii áakanistaiʼtoyiiyaawa [áókakihtsimaiksi] . . . Aʼyáíponihtaisskakssaawa, matápii áakáíponihtatsiiyaawa.”​—Romans 13:1, 7.