Iihtsipáítapiiyoʼpa Otákkaamiksi Áóhsááatoomiaawa Makáʼpiiwa

Makáʼpatoʼsiwa áíkiʼtsimiiwa matápii ááhkáístotsiʼsaawa makáʼpiistsi. Amá matápii áísstaawa ááhkáwakkaamahsi Iihtsipáítapiiyoʼpa ááhksstsínaoʼohkattaikaiʼtsima Jehovah otáíkaiʼtsiʼpi. (Psalm 97:10) Iihtsipáítapiiyoʼpa otákkaamiksi áakáóhsááatoomiaawa otáíkaiʼtsiʼpi, ámostsi óʼkiaawa iitssínaiiʼpiaawa:

Óhpoksoʼkáámotsiiyiiksi máátáátowaʼpistotoaiksi ipahtsáʼpssini. “Kimáátáakaipsstsik­sisto­toawa kippitááma tsááhtaoʼ kináápiima.” (Exodus 20:14) Ííkokáʼpiiwa kitááhkáóhpoksoʼkaamahsi amá matápii kitsítsaomáwaatowaʼpis­totoo­koiniki.​—1 Corinthians 6:18.

Aattsíyssini. “Áwaattsííksi . . . máátáakohkotayaawa Iihtsipáítapiiyoʼpa otokákihtsimaani.”​—1 Corinthians 6:10.

Iksimíʼnikkssini, ki Ááhkáíʼnitahsi amá issitsímaana otsítsaomáípookaawaʼssi. “Kimáátáakaiksimiʼnikkihpi.”​—Exodus 20:13.

Íkamoʼssini. “Kimáátáakaikamoʼsspi.”​—Exodus 20:15.

Sáyiipitsissini. Jehovah iikáíkaiʼtsima “áísayíwa matsiníyi.”​—Proverbs 6:17.

Satáʼpiiwa ki Máátáyiitsiihtatoomiksi Otsínikkitaʼpissoaayi. [Jehovah] “iikáíkaimmiiwa matápii áwaakomiʼtsimiksi satáʼpiiwa.” (Psalm 11:5) Iitsínohtooʼpa “áístotsimiksi ipahtsáʼpssini . . . iníkkaʼpiiwa.”​—Galatians 5:19, 20.

Áíkahtsiiksi. “Mináítsinaʼpaissít . . . áwakkayitsiihtaiksi.”​—1 Corinthians 5:11.

Áíkaimmotsiiyiiksi íyoohkíítsitapiiksi. “Omáánistáwaakomimmisaawa ánniksska kitáíkaimmokiksi ki ohpáwaatsimoyihkaat ánniksska kitáóksistotookiksi.”​—Matthew 5:43, 44.

Iihtsipáítapiiyoʼpa otáwaaniihpi ohtáísoksipaitapiiyoʼpa. Máátáakaahsaikkinisiiwa ááhkáóhsaaatooʼsi ááhkokaʼpihkaʼsoʼsi. Jehovah ki Otátohkáʼtohtaaniksi kitáaksspommookiaawa kitááhkáóhsaaatooʼsaawa Iihtsipáítapiiyoʼpa máátáyaahsiʼtsiiʼpi.​—Isaiah 48:17; Philippians 4:13; Hebrews 10:24, 25.