Takáá Ámohka Niʼtsitápiwa Iihtsipáítapiiyoʼpa?

Iitstsííʼpa niʼtókskamma Iihtsipáítapiiyoʼpa, áánistawa Jehovah. (Psalm 83:18) Anistápssiwa Naatoyítapiwa; máátáakohkottsinoawa. Iikáákomimmokiwa, áísstakkiwa ááhksskáákomimmahsi. Nohkáttáísstakkiwa ááhkáwaakomimmahsi kanáómiaʼnistsitapiiksi. (Matthew 22:35-40) Isstohkanáísskonátaʼpssiwa, ohkanaaʼpáístotsima sspóóhtsi ki annó ksááhkoyi ki kanáóhpitstsiistsi.

Iihtsipáítapiiyoʼpa iitóómaʼpistotoyiiwa ámohka isskonátaʼpssiwa naatoyítapiwa niitánistssksinoawa Jesus Christ. Jehovah ohkáttaʼpistotoyiiwa stsíkiksi naatoyítapiiksi.

Jehovah ohkanaaʼpáístotsima sspóóhtsi . . . ki annó ksááhkoyi. Revelation 4:11

Jehovah áʼpistotoyiiwaiksi kakatóʼsiiksi ki ohkáttaʼpistotsima ksááhkoyi, ki kanáóhpitstsiistsi.​—Genesis 1:1.

Iihtáʼpistotoyiiwa matóóminaawa Adam ksááhkoyi.​—Genesis 2:7.