Takáa kitáʼpistotooka?

1 Áʼpistotookiwa áʼpistotsima sspóóhtsi ki annóma ksááhkoma.​—Genesis 1:1

2 Áʼpistotookiwa inihkáʼsimiwa. Otsínihkaʼsimiwa Jehovah.​—Psalm 83:18

Jehovah iitáyáópiiwa sspóóhtsi. Aanistáʼpssiiwa naatoyítapiwa. Kimáátáóhkottsinoawa.​—Isaiah 66:1; John 1:18; 4:24

3 Áʼpistotookiwa Jehovah iikákaaʼpistotakiwa naatóʼsiiksi sspóóhtsi. Ohkáttaanistáʼpssiyaawa naatoyítapiiksi. Kanatóómssokáʼpssiyaawa. Ísskoohtsika ikkámssookóʼtakiyaawa matápiistómssini nínaiksi ááhksstamohkottsinoyiiyaawa.​—Hebrews 1:7

4 Jehovah ákaisamaʼpáístotoyiiyi itáíksowáʼpaomaahkaiksi isttsítsaomaáʼpaistotoahpi nínaawa.​—Genesis 1:25

5 Jehovah ohkáttaʼpistotoyiiwa nínaayi áánistayinayi Adam ki oppitáámi áánistayinayi Eve.​—Genesis 1:27

Áʼpistotookiwa iitsitsípsstsipoʼtoyiiwaiksi matsowáʼpiʼnssimaani. Niʼtókskaamma aakííwa áʼpistotomoyiiwa annísska Adam ki ánnayi áakiitohpokáópiimiiwáyi.​—Genesis 2:8, 21, 22, 24

6 Nínaawa aanistáʼpssiwa mottáki.​—Genesis 2:7

7 Itáíksowáʼpaomaahkaiksi aanistáʼpssiyaawa mottákiksi.​—Genesis 1:24