Tsá Kitánistáíssaʼtsiiʼpa Íssoohtsika?

NAATÓYSSÍNAAKSSINI IITSSÍNAIIʼPA

“Iihtsipáítapiiyoʼpa . . . áakitssaapíniwa áwaasaiʼniiksi, ki iʼnssíni máátáakattsitstsiiʼpa, tsááhtaoʼ áóyimmahsiiksi tsááhtaoʼ áípiwaasaiʼniiksi tsááhtaoʼ áísttsohkoyiiksi. Ámostsska máátáakattsitaistsiiyaawa.”​—Revelation 21:3, 4, New World Translation.

KITÁAKOHKOKKOOWA IKKAMITÁÓMAIʼTAKIINIKI NAATÓYSSÍNAAKSSINI

Kitáakáísokohkaʼpoʼtaki.​—Isaiah 65:21-23.

Máátáakattsitstsiiʼpa isttsíístomssini tsááhtaoʼ ókohkoyssini.​—Isaiah 25:8; 33:24.

Kitáakomanistáóhpokiʼtaamipaitapiimayaawa kitsitapíímiksi ki kitákkaamiksi​—Psalm 37:11, 29.

ÁAKSSTAOʼOHKOTTSIITÁʼPOMAIʼTSIIʼPA NIITÁNISTSSINAIIʼPI NAATÓYSSÍNAAKSSINI?

Áa, náátoʼkawa iitstsííwa áakohkottohtomaiʼtsiiʼpa:

• Iihtsipáítapiiyoʼpa áakohkottáánisttotsima otánistsiksisttoyihpi. Naatóyssínaakssini niitánistsitsinikatsiiwa Iihtsipáítapiiyoʼpa Jehovah “Isstohkanáísskonataʼpssiwa”, tská máátonawaitáísaahkssiwa otánistsskonátaʼpsspi. (Revelation 15:3) Áakanistsiiwa otánistsiksisttowatooʼsi otáakanistssokaʼpissi annó ksááhkoyi. Naatóyssínaakssini káátsitssinaiiʼpa, “máátsitstsiiʼpa Iihtsipáítapiiyoʼpa iitáísskohpiwa.”​—Matthew 19:26.

• Iihtsipáítapiiyoʼpa áísstaawa ááhkssopókatooʼsi otánistsiksisttoyihpi. Káátsitssinaiiʼpa, Jehovah áísstaawa ááhkssksipáítapiiyáttsaahsi matápii ákaiʼniiksi.​—Job 14:14, 15.

  Naatóyssínaakssini máttohtsitsínikiwa Iihtsipáítapiiyoʼpa ohkóyi, Jesus, otáísokinaapiahsi áísttsiistomiiksi. Máakanistsiiwa? Otáísstaahsi. (Mark 1:40, 41) Jesus áísopoksiimatsiiwa Ónni otánistáísstaahsi ááhkáísspommoahsi áíiyikiʼtakiiksi.​—John 14:9.

  Máátáakohkottssayiʼtsiiʼpa Jehovah ki Jesus otáísstaahssaawa ááhkáísspommookissi ááhkiitoʼtáóoʼsi otsitáakiʼtaamaʼpissi íssoohtsika!​—Psalm 72:12-14; 145:16; 2 Peter 3:9.