Máakáíʼniwa nínaawa?

8 Áʼpistotookiwa Jehovah íítoomsstatsiiwáyi nínaawa ááhkaanatsistotssi annóma ksááhkoma áóhkanaanistáʼpaisissi matsowáʼpiʼnssimaani otsístaakáíʼtaamaʼpsspiaayaawa.​—Genesis 1:28

Matápiiksi áóhkottsstamaanistaipáítapiiyaawa annáhka Adam ki annáhka Eve nóóhkaanístaiʼtoahsaawa anní Jehovah. Áánistáyaawa ááhkssawohtsoyssaawa anníhka miistsísi ohtáákawáttokakihtsimaatohsaawa sokáʼpiiyi ki makáʼpiiyi.​—Genesis 2:15-17

9 Ámohka naatóʼsiwa itáómátapokáʼpssiwa ki itohtsíssitapiiwa piksííksiinaayi annísska Eve ki annísska Adam ááhkitssawáítaanistaiʼtoahsi Áʼpistotookiyi.​—Genesis 3:1-6

10 Ámohka naatóʼsiwa ááttsíístotoyiiwa Eve itanístsinihkatawa matóómipiksííksiinaawa Makáʼpatoʼsiwa.​—Revelation 12:9

11 Jehovah iitohtssáísskoyííwaiksi anníhka matsowáʼpiʼnssimaani ánniksska náátsitápiiksi máátaanistaiʼtoyiiyaawa.​—Genesis 3:23, 24

12 Annáhka Adam ki annáhka Eve iikóʼsiyaawa ki nóóhkssawáíʼtáámaʼpssiyaawa.​—Genesis 3:17, 18

13 Otsííkááwaaniihpi Jehovah itomátapómahkitapiwaʼsiyaawa kitsíʼniyaawa.​—Genesis 3:19; Romans 5:12

14 Ki niʼtóyi, itáítotóísapíʼniyaawa ómiksi itáíksowáʼpaomaahkaiksi.

Mottákiksi áóhkanáíʼniyaawa annóma ksááhkoma.​—Ecclesiastes 3:18-20; Ezekiel 18:4