Ísstohkanaoʼtamáʼpiiwa Kitááhkoʼtssátakkaamahsi Iihtsipáítapiiyoʼpa

Ááhksisstohkanáí­sok­aʼpiiwa kitsipáítapiiyssini ikkámawakkaamainiki Iihtsipáítapiiyoʼpa. Áʼpistotookiwa kitáakssksínimaʼtsooka kitááhkanistaiʼtaamaʼpsssi ki kitááhkanistssawaʼpait­sííh­taahsi; kitáakattohtsipoʼtooka sáyiipitsomaiʼtakssini ki ohtáwaakanohsoʼpistsi. Kitáakáyoohtooka aʼwáátsimoyihkainiki. Kitáakáísspommooka kitááhkssawaʼpaitsííhtaahsi ki kitááhkáwaaksistooyiʼtakssi. (Psalm 71:5; 73:28) Iihtsipáítapiiyoʼpa kitáakáísspommooka aʼyáípahkohkoyiiniki. (Psalm 18:18) Ki Áʼpistotookiwa kitáakohkokka omáánistáípaitapiiyssini ikkámáakoʼtsimmiiniki.​—Romans 6:23.

Áóʼmatápoʼtssát­ssksi­noainiki Iihtsipáítapiiyoʼpa, kitáak­ohkátt­sitomatapoʼtssát­ssksinoa­yaawa Áʼpistotookiwa otákkaamiksi. Kitáak­ssta­mitáp­ohkat­tohpapii­motsii­ma­yaawa Iihtsipáítapiiyoʼpa otákkaamiksi. Kitáák­ohtáís­sksinimaʼt­sookiaawa Iihtsipáítapiiyoʼpa ki kitsitáísskohpiʼyihpi kitáakitáísspommookiaawa ki kitáakayááhkomimmokiaawa.

Máátsiʼtomanistsipoyiimawa Iihtsipáítapiiyoʼpa. Aʼyááʼpáísskimmiiniki kitááhkawakkaamahsi Iihtsipáítapiiyoʼpa, kitáaksstsinaiʼssksiniiʼpa máátsitotoisaʼpiiwa níítanistawakkaamahsi matápii. Tská kiistónnoona máátááhkohkottsitsitooʼpa otsitáípoyihpi Iihtsipáítapiiyoʼpa otsítsskaoʼmahksímmokiwa ki otsítsskaoʼkakísskskaʼtakiwa ki otsítsksskonátaʼpssiwa. Niʼtsitáítsitooma ááhkáókakihtsimákkissi. Ikkamáísstaoʼki ááhkáwakkaamahsi áakáísstsinaʼyayisstsiiwatawa ki áakáísstsinaiʼsapaatooʼpa otsíʼpowahsiistsi, kiánnikáyi kitsípaitapiiyssinnoona áakitaahsáísokaʼpiiwa.​—Isaiah 48:18.