Kitáaksstsínaoʼoht­ssksinimaʼt­sookoo Iihtsipáítapiiyoʼpa

Kitáaksstsínaoʼohtssksinimaʼtsookoo Iihtsipáítapiiyoʼpa íkkamáakawakkáámainiki. Kitákkaamiksi kítaiʼssksinímiaawa kitsínihkaʼsimi ki kátaoʼohtáyissitapiiyaawa? Áa, ohtáyissitapiiyaawa. Niʼtóyi, Iihtsipáítapiiyoʼpa kitáísstakka kitááhkssksiniʼsi otsínihkaʼsimi ki kitááhkohtáyissitapissi. Iihtsipáítapiiyoʼpa áánistawa Jehovah. (Psalm 83:18; Matthew 6:9) Kitááhkssksinoahsi otáísokiʼtsiiʼpi ki otáíkaiʼtsiiʼpi ki otáwakkáámaiksi ki ómiksska máátáíksoʼkowammiiksi. Iikáíʼnáksisamáákssksinoawa amá matápii, niʼtóyi Iihtsipáítapiiyoʼpa. Kitáakánistssksinoawa íkkamohtáíssksinimaʼtsookoiniki Naatóyssínaakssini, iitssínaiiʼpi iikokákiaʼpiiwa kitááhkohtáíssksinimaʼtsookoohsi Iihtsipáítapiiyoʼpa Jehovah.​—Ephesians 5:15, 16.

Iihtsipáítapiiyoʼpa iikáyááhsiʼtakiwa otákkaamiksi aʼyáísapáatoohsaawa otáwáániihpi. Kíppsskskaʼtsit, ikkámoksistotoainiki kitákkaamiksi, kitáaksstaoʼmanistawakkaamokiaawa? Saa! Niʼtóyi, ikkámssawanistaiʼtoainiki Iihtsipáítapiiyoʼpa kitáaksiponiksoʼkowammoka.​—John 4:24.

Kánáómiaʼnistaat­simoyih­kaanistsi máátaahsáítapaiʼsta­mat­tsookiyi ááhkanistawakkaamahsi Iihtsipáítapiiyoʼpa. Áʼpistotookiwa ísstohkanaoʼtssaták­kaa­miiwa ohkóyi Jesus óhtsiʼpoyiwa ámostsska náátoʼkayi mohsokóístsi. Niʼtókskaayi mohsokóyi iikópakiiwa ki iikakáítapiyaawa ííhtssapoowááwahkaiksi, itápohsokowaʼsiwa otsitáakáánaoksistotoahsaawa. Ámohka stsíki mohsokóyi iiksíkkiwa ki ííkonnatsitápiyaawa ííhtssapóówaawahkaiksi, itápohsokowaʼsiwa omáánistáípaitapiiyssini. Anistápanissini ámohka ikkámsstainiki kitááhkawakkaamahsi Iihtsipáítapiiyoʼpa, ki kitáaksstsinaiʼssksiniiʼpa kitááhkanistáíkamoʼtaatsimoyihkatahpi.​—Matthew 7:13, 14.