Tsá Áakanistohtsíístapohkokakioʼpa Anníhka Ómahkoʼkakoyiwa?

Iihtsipáítapiiyoʼpa áánooksiksistotoyiiwa makáʼpitapiiksi nóóhksikamotsíípiiwa Noah ki otsitapíímiksi. Genesis 7:11, 12, 23

Iitomatápomáísootaawa niisíppiksistsikoistsi ki niisíppikoʼkoistsi niitsisámssootaawa onawáóhkanaoʼkakoyiwa ksááhkoyi. Makáʼpitapii stámohkanáíʼniyaawa.

Ámoksska naatoyítapiiksi aʼpímmiiksi Iihtsipáítapiiyoʼpa stámitskimiaawa otsitapíístomssoaawayi ki stámohkattsitokáʼpatoʼsiyaawa.

Ánniksska iitssápópiiksi anníhka ómahkááhkioohsaʼtsisi ikamótaayaawa. Niitóóhkanistsiiʼniyaawa Noah ki otsitapíímiksi, íssoohtsika Iihtsipáítapiiyoʼpa áakssksipáítapiiyáttsiyiiwaiksi ki áaksstamohkottomanistáípaitapiiyaawa.

Iihtsipáítapiiyoʼpa áakáttaanooksiksistotoyiiwa makáʼpitapii ki áaksikamotsíípiiwa ikámoʼtsitapiiksi. Matthew 24:37-39

Makáʼpatoʼsiwa ki otokáʼpatoʼsiimiksi áísakiomanistáípahtsiipiiwa matápii.

Jehovah ánnohk oohkáínaanistsiiwa matápii ááhkoohkáyisstsiiyssaawa stámsskitáípaootsimiaawa, niʼtóyi Noah otsítssaakipáítapiihpi. Máátáttsisamowa Jehovah áakitáánooksiksistotoyiiwa kanáókaʼpitapiiksi.​—2 Peter 2:5, 6.

Iitstsííʼpa matápii niʼtóyi niitsííksi Noah. Áyisstsiiwatsiiyaawa Iihtsipáítapiiyoʼpa ki áísapáatoo­miaawa otsiʼpówahsiistsi; niitsínihkatayaawa Jehovah Otátohkáʼtohtaaniksi.