Ómahkoʼkakoyiwa​—Takáá Iiyísstsiiyiwa? Takáá Máátsísstsiiyiwa?

Matápii omatohkanáókaʼpssiyaawa Noah otáíʼsaakiipaitapiiyssi. Genesis 6:5

Adam ki Eve ókoʼsoaawayi stámiitakáítapiyaawa annó ksááhkoyi. Máátsíístapisamowa, ámoksska naatoyítapiiksi iitsitsínssiyaawa Makáʼpatoʼsiwa otawáʼpimmahsaawa Iihtsipáítapiiyoʼpa.

Iitsáínnisooyaawa annó ksááhkoyi ki itoʼtákiyaawa matapíístomssini ki itsitohkíímiyaawa ánnoksi aakííksi. Ámoksska aakííksi ókoʼsoaawayi máátsiitaʼpitapiyaawa, ómahkáítapiyaawa ki iikókaʼpssiyaawa ki iiksstónnatsoʼkaasiyaawa.

Stámohtohtoiʼtsiiwa ksááhkoyi matápii áístotsimiksi makáʼpiiwa. Naatóyssínaakssini iitssínai­iʼpa: “Nínaawa otokáʼpssini stámohtohtoiʼtsiiwa ksááhkoyi ki otokáʼpi­iksímsstaanoaawaistsi ohtóʼtstsiihpi ósskitsípahpoaawayi áíkakáístotsimiaawa.”

Noah iiyísstsiiwatsiiwa Iihtsipáítapiiyoʼpa ki iitáʼpistotsima anníhka ómahkááhkioohsaʼtsisi. Genesis 6:13, 14, 18, 19, 22

Noah iikááhsitapiwa, Jehovah áánistsiiwáyi otáakohtáánooksiksistotoahsi makáʼpitapii ómahkoʼkakoyiwa.

Iihtsipáítapiiyoʼpa mattánistsiiwa Noah ááhkaʼpistotakssi ómahkááhkioohsaʼtsisi otsitáakitsípsstsipoʼtoahsi otsitapíímiksi ki kanáómiaʼnistsitáíksowaʼpaomaahkaiksi.

Noah ohtáíʼsskáániinapsskoyiiwa matápii anníhka ómahkoʼkakoyiwa, matápii máátsikákaʼpayisstsiiyaawa, stámsskitáíkkahsitapimmiiyaawa annáhka Noah, ki tókskammiksi stámsskitáíkaimmiiyaawa.

Otáíʼksistaʼpistotsiʼsoaawayi anníhka ómahkááhkioohsaʼtsisi, Noah iitsitsípsstsípoʼtoyiiwa ánniksska iitáíksowaʼpáómaahkaiksi.