Íssksinimaʼtstohkssini 2

Máátáakattsitstsiiʼpa Áókohkoyimmiksi Annó Ksááhkoyi

1, 2. Tsá niitánistáyoohkiitsskskaʼtakiyaawa tókskammiksi matápii?

IINÁÓʼKITSTSIIʼPA sstonnátakáítapiiksi áyoohkíítssaʼtsimiksi íssoohtsika, niitáínimiaawa otsitáakáísstonnatsiʼtaamaʼpssspiaawa matápii. Áwaaniiyaawa annó ksááhkoyi máátáakattsitstsiiʼpa makáʼpiiwa ki áókohkoyimmiksi. Íísopoyaʼpssksinimiaawa makáʼpiiwa máátáakattsitstsiiʼpa ki áákitsitstsiiʼpa máánssksaahkoyi. Ánnohk áakáómatapiksistaʼpssatoomiaawa anníhka máánssksaahkoyi!

² Ámoksska matápii iitáómaiʼtakiiksi máánssksaahkoyi íssksinimiaawa máátáakattsitstsiiʼpa ánnikaaki awahkáóótsiiyssini, áwaakanotsiiksi, sáómmitaʼpiiwa, iyóómokokakihtsimaani, ki ikímmataʼpssiiksi. Kiánnikaaki annó ksááhkoyi máátáakattsitstsiiʼpa isttsíístomssini, íkkihkinaʼpiiwa, áwaasaiʼniiksi, ki niʼtóyi iʼnssíni. Ánnikaaki matápii áakssksikamoʼtsitapiiyaawa ki áakomaanistsitáíʼtaamipaitapiiyaawa anníhka matsowáʼpiʼnssimaani annó ksááhkoyi. Áakssksipáítapiiyattsaayaawa akáíʼniiksi ki áakiitohkottomaanistáípaitapiiyaawa!

3, 4. Máakáwaaksistooyiʼtsimiaawa ámoksska matápii otsskskáʼtakssoaawayi?

³ Ámohka niitánistáísskskaʼtsiʼpi íssoohtsika kitáíʼpapaoʼkaani, tsááhtaoʼ kitáíʼkakánistaʼpiiwa itotóítsiihtaani iksímsstaani? Saa, máátanistaʼpiiwa niitáʼpomáíʼtakssini ámohka matsowáʼpiʼnssimaani, áakoʼtssátaʼpiiwa. (Hebrews 11:⁠1) Máakáísskaʼwaaksistooyiʼtsimiaawa ámohka iksísttowahsini? Iihtáwaaksistooyiʼtsimiaawa ámohka iksísttowahsini ísstohkanáísskonataʼpssiwa Áʼpistotookiwa ohkánaʼpáístotsimistsi sspóóhtsi ki annó ksááhkoyi, ánnahkaoʼka iksísttowatoomistsi ámostsska.

⁴ Iihtsipáítapiiyoʼpa otsiksísttowahsiistsi iihtsítsinikatooʼpiaawa Naatóyssínaakssini iitssínaiiʼpa: “Máátsitstsiiʼpa niʼtókskawa otsíʼpowahsiistsi Jehovah Áʼpistotookiwa otssoksiksísttowahsiistsi otsítsskohpiʼyihpi. Akáóhkanaanistaʼsiyaawa ki máátsitstsiiʼpa niʼtókskawa otsíʼpowahsini otsítsskohpiʼyihpi.” “Iihtsipáítapiiyoʼpa máátanistapitapiwa nínaawa ááhkiitáísayssi . . . Áakiitsitstsiiʼpa otáánihpi, áaksstaiʼsawaanisttotsima? Áakiitsíʼpoyiwa, áaksstaiʼsayssapaatooma?” “Jehovah ísstohkínníínaawaʼsiwa naatoyítapiiksi akááwaatowaaniiwa: ‘Nitánistsitsííhtaahpi áakanistaʼpiiwa, Ki nitánistokakihtsimaahpi, áakanistsiiwa.’”​—Joshua 23:14; Numbers 23:19; Isaiah 14:⁠24.

5. Tsá anistápaʼpssopówahtsiʼsiistsi áaksstsínaoʼohkoissksiniiʼpa?

⁵ Iihtsipáítapiiyoʼpa ikkámotóómanistsitsiihtatooʼsi ááhkanistaʼpistotsiʼsi annó ksááhkoyi anní matsowáʼpiʼnssimaani áóʼtsitssawáakitaistsiiʼki áókohkoyimmiksi, máakáísskáakanistsiʼtsima ááhkitáístsiiʼsi makáʼpiiwa? Máaksstsínaʼyoohkimaawa nááómahksikiipíppoisstoyiimistsi ááhkitsikamoʼtohtoohsi ipahtsáʼpiiwa? Otsskáíʼsamitstsiiʼsi ókohkoyssini kítaaʼnistsinaattsiwa Iihtsipáítapiiyoʼpa otssáwohtaikissi kiistónnoona, tsááhtaoʼ otssawáípaitapiiyssi?