Íssksinimaʼtstohkssini 6
Iihtsipáítapiiyoʼpa máakáísskaakanistsiʼtsima Ááhkitáístsiiʼsi Áókohkoyssinlli
1, 2. Kitotóómínninnoonna ki kitotóómiksísstonnoona tsá níítoksístotsimiaawa Iihtsipáítapiiyoʼpa nóóhkanistssokitsiihtatahsaiksi ááhkánistssoksipaitapiiyssaawa?
TSÁ niitsípahtsaʼpiiwa? Ííkiaʼpiiwa ííhtoksistotsiiʼpa Iihtsipáítapiiyoʼpa nóóhkanistssokitsiihtatahsi matóóminaawa ki matóómaakiiwa anníhka Matsowáʼpiʼnssimaani iitstsííwa Eden? Ánnohk akáóʼtsitskaanistsowa ómahksikiipippoisstoyiimiistsi otsítssawáítsitstsiiʼsi otanistsíkkinaaʼpissi anníhka Matsowáʼpiʼnssimaani, máaksstáánitstsiiʼpa makáʼpiiwa ki áókohkoyssini?
2 Ííhtanistsiiwa Adam ki Eve ííhtssayippomissitapiiyaawa otááwattsitsiihtaanoaawa. Áʼtstoomiaawa otssksíniʼsoaawayi otáakssawáísokopissaawa ikkámssawáyisstsiiwatahsaawa Iihtsipáítapiiyoʼpa ki otokákihtsimaanistsi. Níítsitsííhtaayaawa ikkámssawattáísstakatahsaawa Iihtsipáítapiiyoʼpa otáakssokaʼpissi otsipáítapiiyssoaawayi. Stámoʼtsítskaatoomiaawa Iihtsipáítapiiyoʼpa niitánistokákihtsimatooʼsi ááwattsitsiihtaani.—Genesis, chapter 3.
Takáá Íítsitooma Ááhkáókakihtsimatooʼsi Sspóóhtsi ki Annó Ksááhkoyi
3-5. Iihtsipáítapiiyoʼpa máakssawáánooksiksistotoyiiwa Adam ki Eve ki ááhkattsítsiitaakomatapaʼpistotakssi matápii?
3 Iihtsipáítapiiyoʼpa máakssawáánooksiksistotoyiiwa Adam ki Eve ki ááhkattsitsiitaakaʼpistotakssi nínaawa ki aakííwa? Ííhtssawáíʼnitayaawa otáákohkimatooʼsoaawayi Iihtsipáítapiiyoʼpa ááhkáókakihtsimatooʼsi sspóóhtsi ki annó ksááhkoyi.
4 Ííhtsiistapipoihtsiwa ámohka sopówahtsiʼssini: Takáá íítsitooma ááhkáókakihtsimahsi, ki takáá otokákihtsimaani íkamoʼtaʼpiiwa? Iihtsipáítapiiyoʼpa ísstohkanáísskonataʼpssiwa ki ohkanáʼpaistotoyiiwa matápii ki itáíksowáʼpomaahkaiksi, nóóhkanistssokaʼpiiwa Iihtsipáítapiiyoʼpa ááhkáókakihtsimatahsaiksi. Otsstonnátokakssi, áaksísstohkanaisokaʼpiiwa ááhkáókakihtsimatahsi matápii ki itáíksowáʼpomaahkaiksi. Iihtsipáítapiiyoʼpa otokákihtsimaani nóóhkaakohkiiʼpa. Ki kítaiʼpahtsáʼpistotoyiiwa—nínaawa? Áakámiitaakohkoissksiniiʼpa niitánistsítsinipoʼtsiiʼpi nínaawa ikkámsstakaanaʼpsssi.
5 Nínaawa otssawattáísstakatahsaawa Iihtsipáítapiiyoʼpa, ámohka sopówahtsiʼssini íítsipoihtsiwa: Matápii áaksstáóʼtsitskssokaawattaʼpaissiyaawa Iihtsipáítapiiyoʼpa ikkámssawáókakihtsimatahsaawa? Áʼpistotookiwa íssksinima otáakánistaʼpissi, nóóhksskáakanistsiʼtsima matápii ááhkááwattaokakihtsimatohssi. Ááwattsstaayaawa ááhkááwattsitsiihtaahsaawa, ki Iihtsipáítapiiyoʼpa stámiitsskáakanistsiʼtoyiiwaiksi.
6, 7. Iihtsipáítapiiyoʼpa máakomáísskaiʼsamsskaakanistsiʼtoyiiwa matápii ááhkááwattaokakihtsimatohssaawa?
6 Otsskáakanistsiʼtoahsi matápii ááhkááwattaokakihtsimatohssaawa, Iihtsipáítapiiyoʼpa iihtáíʼstamattstohkiwa matápii ikkámoʼtsítskaisokaʼpaisssaawa ikkámawááwattaokakihtsimatohssaawa tsááhtaoʼ Iihtsipáítapiiyoʼpa ááhkaokákihtsimatahsaiksi. Iihtsipáítapiiyoʼpa otsskáakanistsiʼtoahsi matápii ááhkááwattaokakihtsimatohssaawa, matápii stámiitáʼpsspiiwatoomiaawa otánistáókakihtsimatohssaawa, otánistááwattoohpiaawa, otánistáísspssksinimaʼtsaahsaawa, ki otánistáísokinaapiaahsaawa matápii.
7 Iihtsipáítapiiyoʼpa otsskáakanistsiʼtoahsi matápii ááhkááwattaokakihtsimatohssaawa stámohtsíístapiʼtoohkainakowa matápii máátáakohkottaawattaokakihtsimatohsiyaawa. Nínaawa áakohkottáókakihtsimaawa ááhksíkkinaaʼpitapissi tsááhtaoʼ ááhkáókaʼpitapissi, ááhkáwaakomimmapiiyipitsissi tsááhtaoʼ ááhkáíkaimmotsiiyssaawa, ááhkáíkamoʼtaʼpaisssi tsááhtaoʼ ááhkssawáíkamoʼtaʼpaisssi. Nóóhkohtsíssinayaawa otánistápitapiihpiaawa: ááhkáísokopissaawa ki ááhkáístotsiʼsaawa íkkinaaʼpiiwa tsááhtaoʼ ááhkáístotsiʼsaawa makáʼpiiwa ki ááhkáókohkoyssaawa.
Naatoyítapiiksi Otsítomatapáʼkoyssspiaawa
8, 9. (a) Tsá niitómatapitstsiiʼpa áʼkoyssini sspóóhtsi? (b) Makáʼpatoʼsiwa ááttsiistotoyiiwa Adam ki Eve takáá mattááttsiistotoyiiwa ááhkaʼpimmahsi Iihtsipáítapiiyoʼpa?
8 Ámohka áaksstsínaiʼtsskskaʼtsiiʼpa, kitotóómínnoona ki kitotóómiksísstsinnoona máátsiʼtsitapiyaawa ááhkáʼpiʼtsiʼsaawa Iihtsipáítapiiyoʼpa otokákihtsimaani. Takáá nóóhkattsitaʼpaissiwa ánnikaaki? Naatoyítapiiksi. Iihtsipáítapiiyoʼpa otsítsaomaʼpaistotakssi matápiiksi, áʼpistotakiwa iitáʼpsspipoyiiksi sstonnátaakayimmiksi naatoyítapiiksi, ááhkitayáópissaawa sspóóhtsi. Ohkáttohpáʼpistotoayaawa ááwattsitsiihtaani ki áaksstsínaoʼohkattanistaiʼtsimiaawa Iihtsipáítapiiyoʼpa otokákihtsimaani.—Job 38:7; Psalm 104:4; Revelation 5:11.
9 Naatóyssínaakssini niitáíʼstamattstohkiwa ámohka áʼkoyssini iitómatapitstsiiwa sspóóhtsi. Ámohka naatoyítapiwa ísstaawa ááhkssopokááwattaʼpaisssi. Stamáttsstaawa matápii ááhkáítapatsimoyihkahsaawa. (Matthew 4:8, 9) Ámohka áʼkoyssiwa naatoyítapiwa ohkattsítaattsiistotoyiiwaiksi Adam ki Eve ááhkohkattaʼpimmahsaawa Iihtsipáítapiiyoʼpa, áánistsiiwaiksi Iihtsipáítapiiyoʼpa otáíssksinnimoahsaawa sokáʼpiiwa. (Genesis 3:1-5) Ámohka niitáínihkatawa Makáʼpatoʼsiwa, ohkáttanistsinihkatawa Devil (Sáyipitsiitapiwa) ki Satan (Kaahtomáána). Máátsiistapisamowa, mattsítaattsiistotoyiiwa stsíkiiksi naatoyítapiiksi ááhkaʼpimmahsaawa Iihtsipáítapiiyoʼpa. Nóóhkattánistsinihkatayaawa makáʼpatoʼsiiksi.—Deuteronomy 32:17; Revelation 12:9; 16:14.
10. Tsá iihtsíístapanistaʼpiiwa matápii ki naatoyítapiiksi otáʼpimmahsaawa Iihtsipáítapiiyoʼpa?
10 Matápii, otáʼpimmahsaawa Iihtsipáítapiiyoʼpa, íítsitsístaahtsipoʼtoohsiyaawa Makáʼpatoʼsiwa ki otokáʼpatoʼsiimiksi. Káátohtanistsinihkatawa Makáʼpatoʼsiwa anní Naatóyssínaakssini “ánnahkáóʼka iitáókakihtsimaawa otánistaʼpaisissi ánnohk,” ánnahkáóʼka “áyaapstsáttsiyiiwa máátaomaiʼtakiiksi otsiksímsstaanoaawayi.” Káátohtaaniiwa Iihtsipáítapiiyoʼpa Otsíʼpowahsini “makáʼpatoʼsiwa áókakihtsimatsiiwa kanáítapii.” Jesus ostóyi niitsínihkatsiiwa Makáʼpatoʼsiwa ánnahkáóʼka áókakihtsimatooma annó ksááhkoyi.”—2 Corinthians 4:4; 1 John 5:19; John 12:31.
Náátoʼkayi Íyoohkíítaakohkimaanistsi
11. Tsá anistápiiwa áákohkimaani Makáʼpatoʼsiwa ipóóhtooma ááhkohtsitaʼpimmahsi Iihtsipáítapiiyoʼpa?
11 Makáʼpatoʼsiwa ipóóhtooma ámohka stsíki áákohkimaani ááhkohtsitaʼpimmahsi Iihtsipáítapiiyoʼpa. Stámotóíʼmiiwa Iihtsipáítapiiyoʼpa otsípahtsaʼpistotoahsi matápii ki amá matápii máátáakaahsaikamoʼtaʼpaissiwa ikkámáísskohtoistotoahsi. Stamitssttsááwaaniiwa amá matápii áakiitáísskohtoistotoawa otáakssataimmahsi Iihtsipáítapiiyoʼpa. (Job 2:1-5) Ámostsska Makáʼpatoʼsiwa ííhtsipoohtooma matápii otssáysstakaanaʼpsssi otáaksiistapaatahsaawa Iihtsipáítapiiyoʼpa.
12-14. Ámostsska náátoʼkayi áákohkimaanistsi Makáʼpatoʼsiwa ipóóhtoomistsi kitáóʼmanaʼpiiyaawa, tsá anistápiiwa iihtsíístapssksiniiʼpa otáíʼsamaʼpaisissi?
12 Iihtsipáítapiiyoʼpa ikíppsskáakanistsiʼtoyiiwa matápii ki Makáʼpatoʼsiwa ááhkáókakihtsimahsaawa ááhkitohkoissksiniʼsi ikkámomaniisi Makáʼpatoʼsiwa otáakoʼtsitskssokokakihtsimahsi ki otáakssaysstakaanaʼpsssi matápii ikkámáísskohtoistotoahsi. (Compare Exodus 9:16.) Áakámitohkoissksiniiʼpa takáá omanííwa aʼyáíssaʼtsiiʼki otánistáʼpaisssaawa matápii ísskoohtsika ki ánnohk.
13 Tsá anistápiiwa iihtsíístapssksiniiʼpa otáíʼsamaʼpaisissi, kitáóʼmanaʼpiiwa Iihtsipáítapiiyoʼpa otokákihtsimaani? Matápii áaksstaoʼohkottoʼtsítskssokokakihtsimaayaawa Iihtsipáítapiiyoʼpa? Matápiókakihtsimaani áakitssawáítsinipoʼtoyiiyaawa Iihtsipáítapiiyoʼpa áaksstaoʼohkottsiʼtaamaʼpiiwa annó ksááhkoyi ááhkssawáítsitstsiiʼsi awahkáóótsiiyssini, sáómmitáʼpiiwa, ki iyóómokokakihtsimaani? Áaksstaoʼohkottssikáaattsstoomiaawa ikimmátaʼpssini ki kanáítapii ááhkáísokopissaawa? Áaksstaoʼohkottssikáaattsstoomiaawa isttsíístomssini, ómahkitapiwaʼssini, ki iʼnssíni? Iihtsipáítapiiyoʼpa otokákihtsimaani áakohkanáíssikáaattsstoomaistsi ámostsska.—Genesis 1:26-31.
14 Ámohka iihtsistóʼkawa áákohkimaani, kitáóʼmanaʼpiiwa matápii otáakssayiʼkamoʼtaʼpaisssaawa ikkámáísskohtoistotoahsaawa, tsá anistápiiwa iihtsíístapssksiniiʼpa otáíʼsamaʼpaisissi? Kítaiʼpahtsaʼpiiwa Iihtsipáítapiiyoʼpa otánistáʼpistotoahpi matápii? Áaksstáíʼkamoʼtaʼpssiyaawa ikkámohtsíssinahsaawa iiyikóyi? Kítaiʼtstsiiʼpa matápii iihtsíístapssksiniiʼpa otánistáʼpaisssaawa otáísstaahsaawa ááhkáótoomipoʼtsiʼsaawa Iihtsipáítapiiyoʼpa otokákihtsimaani ááhkitsstaanáwaapatsipoʼtsiʼsaawa matápiókakihtsimaani?
[Isínaawa íítohkooniiʼpa sináákssini 13]
Iihtsipáítapiiyoʼpa isskáakanistsiʼtoyiiwaiksi matápiiksi ááhkitsitooʼsaawa otohkottsístotsiiʼpoaawayi
[Iihtóʼtssínaiiʼpi]
Iitáípottaawa sspóóhtsi: Ámohka sináákssini ííhtoʼtstsiiwa NASA