Máakssokaʼpiiwa Kitááhkohtomanistáíssksinimaʼt­sook­oohsi Jehovah?

1. Tsá kitáakanistohtohkoyikííhpa kitááhkomanistáókakisskskaʼtsiʼsi Naatóyssínaakssini?

Kitáókakisskskaʼtsiʼsi oʼtamáʼpiistsi Naatóyssínaakssini issksinimáʼt­stohks­siistsi ááhkamaʼpohtsiistapáís­skonat­aʼpiiwa kitanistáwaakomimmahsi Jehovah. Kitáaksstsinaoʼmanis­táíiyikaʼ­kimaa ááhkáísskonataʼpissi kitanistáwaakomimmahsi. (1 Peter 2:2) Áakomanistáísskonataʼpiiwa kitánistáíksoʼkowammahsi Iihtsipáítapiiyoʼpa ikkamómanistáókakisskskaʼ­tsim­miiniki otsiʼpówahsini, kiánnikáyi kitáakitohkottóʼtsiiʼpa omanistáípaitapiiyssini.​—Okstóót John 17:3; Jude 21.

Áyiistapáíssksinoainiki Iihtsipáítapiiyoʼpa, áaksiistapáísskonataʼpiiwa kitomáíʼtakssini. Kitáakohtsspommookoo kitomáíʼtakssini kitááhkanistaiʼtoahsi Iihtsipáítapiiyoʼpa. (Hebrews 11:1, 6) Kitáakohtáyiistapáíiyikaʼkimaa kitááhkáyoohkiitsipaitapiiyssi ki kitááhkáwaatsimihkaʼsatahsi Jehovah kitánistsípahtsaʼpsspi.​—Okstóót Acts 3:19.

2. Tsá áakanistohtsiistapohkoyikííyaawa stsíkiksi kitánistssksinoahsi Iihtsipáítapiiyoʼpa?

Kitáíssksinimaʼt­soo­kooyi kitáakohkottohtáítsiniki​—iikohtáyááhsitsinikioʼpa iʼtáámitsinikssiistsi. Omanistáóʼkakisskskaʼ­tsim­miiniki Naatóyssínaakssini kitáakitssksiniiʼpa kitááhkanistohtáyissitapiiyssi Naatóyssínaakssini áóʼohtáítsinikiiniki iʼtáámitsinikssiistsi ki kitánistsitáómaiʼtakihpi Jehovah.​—Okstóót Romans 10:13-15.

Matápii omatápssksiniʼsaawa ámostsska iʼtáámitsinikssiistsi iitohtáótoomitsinikoyiiyaawa otsitapíímoaawayi ki otákkaamoaawayi. Mináísskohtaanistsisaawa matápii ááhkáyisstsiiyssaawa, stámsstaanáíiyikaʼkimaat kitááhkohtáíkkinaaʼpiʼpoyssi Iihtsipáítapiiyoʼpa otsiksísttowahsiistsi. Isskskáʼtsit matápii tókskaistsi máátáakomanistáíssksinimiaawa kitáániihpi oʼtsítsksiniiyíʼtsimiaawa ikkamíkimmapiiyipitsiiniki.​—Okstóót 2 Timothy 2:24, 25.

3. Tsá kitáakanistohkottsiʼtáámiksoʼkowammawa Iihtsipáítapiiyoʼpa?

Aʼyáókakisskskaʼtsimmiiniki Iihtsipáítapiiyoʼpa Otsiʼpówahsini kitáakohtsspommookoo kitááhkohtsiksoʼkowammahsi Iihtsipáítapiiyoʼpa. Kitáakonawaitoʼtoo ááhkiitaʼpssákakaʼpissi kitanistáiksoʼkowammahsi Jehovah. Kitáaksstamohkottsítsinssi Iihtsipáítapiiyoʼpa otsitapíímiksi.​—Okstóót 2 Corinthians 6:18.

4. Tsá kitáakanistohkottákkioowatooʼpa kitánistáókakisskskaʼtsiʼsi Naatóyssínaakssini?

Kitáakohkottákkioo ikkamómanistáókakisskskaʼ­tsim­miiniki ki ikkamáánistaiʼtsimmiiniki Iihtsipáítapiiyoʼpa Otsiʼpówahsini. (Hebrews 5:13, 14) Kitáakohkotáánistawa Jehovah Otátohkáʼtohtaani kitáísstaahsi kitááhkáókakisskskaʼtsiʼsi Naatóyssínaakssini, áakohtsíssitapiiyaawa sináákssini What Can the Bible Teach Us? Áʼyiistapáíssksinimmiiniki Iihtsipáítapiiyoʼpa Otsiʼpówahsini áaksiistapáísokaʼpiiwa kitsipáítapiiyssini.​—Okstóót Psalm 1:1-3; 73:27, 28.

Iʼtáámitsinikssiistsi iihtóʼtstsiiwa Jehovah, iʼtáámitapiiwa Iihtsipáítapiiyoʼpa. Kitáakohkottsíítaʼpoʼtssatsiksoʼkowammawa Iihtsipáítapiiyoʼpa áʼyiistapóʼtssatsiksoʼkowammainiki otsitapíímiksi. (Hebrews 10:24, 25) Aʼyáíiyikaʼkimainiki kitááhkaanistaiʼtoahsi Jehovah, kitáakitsiitaʼpoʼtssatááatooʼpa niitáʼpipáítapiiyssini ​—omanistáípaitapiiyssini. Isstohkanáísokaʼpiiwa kitááhkáóʼtssatsiksoʼkowammahsi Iihtsipáítapiiyoʼpa.​—Okstóót 1 Timothy 1:11; 6:19.