YƆRƆ 3

Alijinɛ kɔnɔ ɲɛnamaya tun bɛ cogo di?

Jehova ye fɛn ɲuman caman di Hadama ni Hawa ma. Jenɛse 1:28

Jehova kelen ka Hawa da a y’a di Hadama ma

Jehova ye muso fɔlɔ Hawa da, k’a kɛ Hadama muso ye.—Jenɛse 2:21, 22.

Jehova ye u da ni hakili dafalen ni farikolo dafalen ye. Fiɲɛ tun tɛ u la.

Hadama ni Hawa jɔlen bɛ ka alijinɛ jateminɛ o min ye u ka so ye

U ka so tun ye Edɛn nakɔtu ye. O tun ye yɔrɔ cɛɲumanba ye. Baji dɔ tun bɛ woyo yen ani jiri dentaw ni dantanfɛnw. Alijinɛ tun don.

Jehova tun bɛ kuma u fɛ, ka u kalan. Ni u tun ye a lamɛn, u tun na to ɲɛnamaya banbali la alijinɛ kɔnɔ dugukolo kan.

Ala y’a fɔ ko u kana jiri kelen dɔ den dun. Jenɛse 2:16, 17

Alijinɛ jiriden, Jehova ko Hadama ni Hawa kana min dun

Mɛlɛkɛ dɔ murutira Ala ma. O mɛlɛkɛ jugu in bɛ wele Sitanɛ Sendonbaga.

Mɛlɛkɛ jugu, Sitanɛ Sendonbaga, ye sa bila ka kuma Hawa fɛ

Jehova ye jiri dɔ jira Hadama ni Hawa la nakɔ kɔnɔ. A ko ni u ye o den dun, u na sa.

Sitanɛ t’a fɛ Hadama ni Hawa ka Jehova kan minɛ. O la, a kumana sa dɔ sababu fɛ k’a fɔ Hawa ye ko n’i a ye o jiri den dun a tɛna sa, nka a na kɛ i ko Ala. O kuma tun ye nkalon de ye.—Jenɛse 3:1-5.