Krecɛnya ni waajulibaara lajɛ sɛbɛn—2025 | Zuluyekalo

ZULUYEKALO TILE 28–UTIKALO TILE 3

NTALENW 24

Dɔnkili 38 ani delili | Ɲɛbilakumaw (miniti 1)

ALA KA KUMA NAFOLOMAFƐNW

1. I barika bonya tɔɔrɔ waatiw kama

(miniti 10)

Ta’a fɛ ka dɔ fara i ka dɔnniya ni i ka hakilitigiya kan. (Ntalenw 24:5; it-2-F 562 § 5)

Hali ni i farifagara, i bɛ ka alako minnu kɛ tuma bɛɛ i kana olu dabila. (Ntalenw 24:10; w09-F 15/12 18 § 12-13)

Dannaya kologɛlɛn ni Jehova kanuya bɛ an dɛmɛ ka se sɔrɔ tɔɔrɔkow kan. (Ntalenw 24:16; w20-F 12 15)

Bana jugu bɛ an balimamuso min na, o nisɔndiyalen don ka du ni du waajuli kɛ ni a terimuso ye. A bɛ ka fɛn dɔ jira muso dɔ la a ka tabilɛti kan.

2. Ɲinini kɛ ka dɔnniya sɔrɔ Bibulu kɔnɔ

(miniti 10)

Ntalenw 24:27—Nin ntalen b’an kalan mun de la? (w09-F 15/10 12)

I ka jaabi
E ye nafolomafɛn jumɛnw de sɔrɔ ka bɔ Ala ka Kuma kɔnɔ nin dɔgɔkun Bibulukalan in sen fɛ?

I ka jaabi

3. Bibulu kalanjɛ

(miniti 4) Ntalenw 24:1-20 (th kalansen 11)

I DEGE WAAJULIBAARA LA

4. Baro daminɛ mɔgɔw fɛ

(miniti 2) SENFƐ SEEREYA. Baro bɛ jɔ k’a sɔrɔ i ma se ka seereya di. (lmd kalansen 2 tomi 4)

5. Baro daminɛ mɔgɔw fɛ

(miniti 3) DU NI DU. (lmd kalansen 3 tomi 4)

6. Baro daminɛ mɔgɔw fɛ

(miniti 3) SEEREYA FOROBAYƆRƆ LA. An bɛ Bibulukalan min kɛ mɔgɔw kun, o kofɔ mɔgɔ dɔ ye ani ka Bibulukalan ɲinini sɛbɛn di a ma. (lmd kalansen 4 tomi 3)

7. Jɛmu

(miniti 3) lmd Ɲɛfɔli farankanw 1 tomi 11—Barokun: Ala bɛ kuma an fɛ. (th kalansen 6)

AN KA ƝƐNAMAYA KƐ IKO KRECƐNW

Dɔnkili 99

8. An ka ɲɔgɔn dɛmɛ tɔɔrɔ kɔnɔna na

(miniti 15) Baro.

Bana yɛlɛmataw, kasaraw, fasodenw ka murutilikow, kɛlɛw ani tɔɔrɔkow bɛ se ka bali ka cun an kan. Ni o ko sugu ye krecɛnw sɔrɔ, u bɛ ɲɔgɔn dɛmɛ ani ka dusudon ɲɔgɔn kɔnɔ. Hali ni o kow ma an yɛrɛw sɔrɔ, o ko bɛ an krecɛn ɲɔgɔn minnu kan an bɛ miiri olu la ani u hinɛ bɛ an minɛ. O la, an b’an seko bɛɛ kɛ ka u dɛmɛ—1 Kɔrɛntekaw 12:25, 26.

Jaw: Balimaw bɛ ka u krecɛn ɲɔgɔnw dɛmɛ sira caman fɛ. 1. Kasara ye Masaya so min tiɲɛ balimaw bɛ ka o jɔ. 2. Balimamuso dɔ ni a denmuso minnu nana kalifa yɔrɔ la balima dɔw bɛ ka olu kunbɛn. 3. Balimamuso dɔ bɛ ka wari bila bolomafaraw buwati kɔnɔ Masaya so kɔnɔ. 4. Balimakɛw ni balimamusow bɛ ka magoɲɛfɛnw di u balimaw ma minnu bɛ kalifa yɔrɔ la Masaya so kɔnɔ. 5. Balima dɔw minnu ye u yɛrɛ di ka balimaw dɛmɛ bɛ ka ji di u ma. 6. Balimakɛ dɔ bɛ ka delili kɛ.

1 Masakɛw 13:6 ani Yakuba 5:16b kalan. O kɔ, nin ɲininkali kɛ mɔgɔw la:

Alabatobagaw bɛ delili minnu kɛ mɔgɔ wɛrɛw ye, mun na o bɛ fanga di u ma?

I ka jaabi

Marka 12:42-44 ani 2 Kɔrɛntekaw 8:1-4 kalan. O kɔ, nin ɲininkali kɛ mɔgɔw la:

Hali ni wari caman tɛ an bolo, mun na fitinin min bɛ an bolo an man kan ka siga ka o di baaraw kama minnu bɛ kɛ diɲɛ fan bɛɛ walasa k’an balimaw dɛmɛ?

I ka jaabi

Nin wideyo jira: U ye dɛmɛ lase u balimaw ma. O kɔ, nin ɲininkali kɛ mɔgɔw la:

An balimaw ye yɛrɛ saraka jumɛnw de kɛ ni kanuya ye walasa k’u krecɛn ɲɔgɔn dɛmɛ minnu tun sigilen bɛ Erɔpu kɔrɔn yanfan fɛ, o yɔrɔ min na an ka baaraw balilen tun don?

I ka jaabi
Waati min na an ka baaraw tun balilen don, cikan min ye ko an ka ɲɔgɔn lajɛ ani ka dusudon ɲɔgɔn kɔnɔ, balimaw ye o lawaleya cogo di?—Heburuw 10:24, 25.

I ka jaabi

9. Jɛkulu ka Bibulukalan

(miniti 30) lfb kalansenw 4-5.