KALANSEN 18

Ɲɛjiralicogo min bɛ mɔgɔ kalan

1 Kɔrɛntekaw 9:19-23

BAKURUBAFƆLI: Lamɛnbagaw bila u ka miiri, i ka barokun bannen kɔ u k’a dɔn ko u ye fɛn nafama dɔ kalan.

I lamɛnbagaw bɛ min dɔn ka ban i ka barokun kan i hakili to o la. U ye fɛn minnu mɛn ka kɔrɔ sani i ka to ka segin segin olu kan, u dɛmɛ u ka fɛn kura wɛrɛw kalan ka bɔ i ka barokun na.

U bɛ fɛn minnu dɔn ka ban kana mɛn olu ɲɛfɔli la, nka ni i bɛ ka fɛn kuraw ɲɛfɔ kana teliya olu ɲɛfɔli fɛ.
Ɲininiw ani hakilijagabɔ kɛ. N’a bɛ se ka kɛ, i lamɛnbagaw bɛ fɛn minnu dɔn kosɛbɛ walima ko minnu bɛ sen na, kana baara kɛ ni olu ye kosɛbɛ walasa ka hakilina kolomaw jira. I ka barokun ani jɛɲɔgɔnya min bɛ i ka barokun ni ɲɛjiraliw cɛ i b’a fɛ ka minnu kofɔ, i hakili jagabɔ kosɛbɛ olu kan.

Ka i to i ka barokun sɛgɛsɛgɛli la, i yɛrɛ bila hakilijagabɔ la i kɛtɔ ka baara kɛ ni nin ɲininkali suguw ye ‘mun, mun na, tuma jumɛn, yɔrɔ jumɛn, jɔni ani cogo jumɛn na’. O ɲininkali ninnu dɔw kɛ ani u jaabiw di i ka barokun kɔnɔna na walasa ka barika don i ka jɛmukan na.
I bɛna cikan min lase o nafa jira. A jira i lamɛnbagaw la Bibulu hakilinaw bɛ se ka u dɛmɛ cogo min na u ka don o don ɲɛnamaya kɔnɔ. Kow, kɛcogoyaw ani kɛwale kɛrɛnkɛrɛnnenw minnu bɛ i lamɛnbagaw kun kan, baro kɛ olu kan.