I mago don tɔw la

Yesu ye min kɛ

WIDEYO: Yesu ni muso dɔ bɛ kɔlɔn da la

1. WIDEYO lajɛ, walima Yuhana 4:​6-9 kalan. O kɔ, nin ɲininkali ninnu sɛgɛsɛgɛ:

1. Yesu ye mun de kɔlɔsili muso ko la sani a ka baro daminɛ a fɛ?

2. Yesu y’a fɔ ko: “Ji dɔ di ne ma, ne k’a min.” Mun na o kɛra baro daminɛ cogo ɲuman ye?

Yesu ka misali bɛ an kalan mun de la?

2. An ka teli ka baro duman kɛ mɔgɔ fɛ ni an bɛ baro daminɛ ni barokun ye min ka di a tigi ye.

Yesu ladege

3. Ɲɛfɔliw kɛ ka bɛn mɔgɔw magow ma. Kana sinsin a kan k’a fɔ ko fo i ka baro daminɛ ni barokun ye i tun ye min labɛn. Baro daminɛ ni fɛn ye mɔgɔ tɔw bɛ ka miiri min ko la bi bi in na. I yɛrɛ ɲininka:

1. ‘Mun de bɛ ka fɔ donkibaruw la sisan?’

2. ‘Ne sigiɲɔgɔnw, ne ka baarakɛɲɔgɔnw walima ne ka lakɔlidenɲɔgɔnw bɛ ka kuma mun de ko la sisan?’

4. Kɔlɔsili kɛ. I yɛrɛ ɲininka:

1. ‘A tigi bɛ ka mun de kɛ sisan? A bɛ se ka kɛ ko a tigi bɛ ka miiri mun de ko la?’

2. ‘A tigi ka finiw, a yecogo, walima a ka so bɛ mun de jira ne la a ka dannayakow walima a ka laadalakow kan?’

3. ‘Yala nin ye waati ɲuman ye min na ne bɛ se ka kuma a tigi fɛ wa?’

5. Lamɛnni kɛ.

1. Kana kuma kojugu.

2. Kow kɛ cogo la min b’a to a bɛ nɔgɔya a tigi bolo ka a hakilinata fɔ. N’a bɛ se ka kɛ, ɲininkaliw kɛ a tigi la.