Wuɖu Kpéí-Po-Po

Wóɖómà 12:11

SṸÌN-XWÍNÍÍN: Zà nyɔ ɓè m̀ wùɖùà gboɛɛ hwòɖò-dyùà hwuɖu, ɓɛ́ m̀ ké wa kpéí po dyììn ɖé múà-kà wùɖù-wùɖù mú.

Ɔ NYU-KÀ:

• Ɔ mɛ kpɔ̃ m̀ hwòɖò. Kà nì muà ti dyéìn ɓó nì wuɖuɔ̀ wáɖá jè kɛɛ, poìn kà ɖɛ nì muà cɛ̃ìn nyɛ nyu ɖɛ kpaa kɛɛ jè hwìɖìi kóɖó-kóɖó. Dyuò ɖɛ nì muà kɔ̃in wùɖùìn nyɛɛ dyí nɔ̀mɔ̀ dyíin cá, ɓɛ́ m̀ ké wùɖùɛ̀ ɓɛ́ìn sɔ̀ìn ɖé nì hwòɖò-dyùàɔ̀ bũ̀.

• Poìn nyɔ ɓèɔ̀ jè hwìɖìi. Nàìn kà ɖɛ nì muà wuɖuún zàùn wɛ̃, mɔɔ ɖɛ nì muà tɛ̀mɛ̀ìn nyɛ mu nyɔ tɔ̀ɔ̀ ɓè kpáná dyí nyuùn wɛ̃ɛ jè hwìɖìi. Poìn kà m̀ ké ɖɛ ɓèa cɛ̃ ɖé hwìè ɓè kɔ̃̀ mú ɓɛ́ ɔ muɛ nyuùn ɓɛ́ nyɔ ɓè m̀ wùɖùà gboɛɛ kéɛ jè múàùn dyi kpáìn mìɔ kɛɛ jè hwìɖìi.

• Po nì wuɖuɔ̀ kpáún. Wùɖù múàùn-kpá-kà. Nyùìn nì kpóɖó-dyùà gànáɔ̀ kũ̀à mú dyí-sɛ́ɖɛ́ìn-kà, ɓɛ́ m̀ ké kà nì hwòɖòɔ̀ nyu nìɛ̀ kɛɛ tɛ̀mɛ̀ìn.