Dɔ́ɔ́-Dè-Kà Wùɖù-Wùɖù

Ðɛ Féɖò Nyu Ma Kɛ

VÍÐÒ: Féɖò Wáɖá Ítìópíà-Gàà Ðò Gbo Wuɖu

1. Dyé VÍÐÒƆ̀ dyi, mɔɔ zà Àpɔ́sò 8:30, 31 wuɖuún. Nìí, poìn dyi-diè-ɖɛ̀ ɓè kɔà ɓó dyíɛɛ jè hwìɖìi:

1. Xwɛ̀ Féɖò nyu ma dɔ́ɔ́ɔ̀ gbɔ dèɛ̀ kɛ́?

2. Xwíníínɔ̀ nyɛ́ kɔ̃̀ jè ɔ mɔ̀ ma dɔ́ɔ́-dè-kà wùɖù-wùɖù ɓɛ́ ɔ nyu ké gàaɔ̀ cɛ̃́ ma jàà ɖìè ɖò kɛ́?

Ðɛ́ À Cɛ̃́ Féɖò Xwaún Wɛ̃́?

2. Ɔ jù ké à dyiɛ nyu ɓɛ́ dɔ́ɔ́ ɖò ké ɖé hwòɖò-dyùàɔ̀ bũ̀ sɔ̀ìn ní, ɔ ɓɛ́ìn xwa fɛ̃́ɛ̀n ɓɛ́ nyɔɔ̀ ké hwìɖìi zaìn, ɓɛ́ ɔ ké à bɔ̃̀ɔ̀ ɖùù gbo tò.

Sí Féɖò Ɓo-Bɛ̃̀ìn

3. Dè ɖɛ dyéɖé gbo. Nyɔ ɖòɛ̀ dyúa-kpà kè ɔ kpóɖó-dyùà tɛ̀mɛ̀ìn ɖɛ pàɖà. Nyɔɔ̀ nì kà ɔ mɔ́ m̀ gbo wùɖùɛ̀ dyiɛɛ̀? M̀ ɓɛ́ìn ɖɛ ɖò sɔ̀ìn ɖé Baɓoɔ múɛɛ jè cɛ̃ɛ dyììn ɖé ɔ dyi-dìè-dìè mú, ɓɛ́ m̀ ké níin, “M̀ dyuòɛ̀ dyí kà . . . ?” Ɓɔ́ nyɔ ɖò ɓɛ́ ɔ se wùɖùɛ̀ mɔ́ kɛɛ dɔ́ɔ́ gbo dèɛ̀ wɛ̃́ɛ́.

4. Ku hwòɖò. Ɓɔ́ɔ hwìɖìi poɛ̀n kà m̀ ɓéɖé ɓɛ́ m̀ ké ɖɛ ɖò sɔ̀ìn ɖé Baɓoɔ múɛɛ jè cɛ̃ wàɖà kɛ. Gmɔ̀ ti jɛ́ɛ́ɔ̀ dya ɓɛ́ m̀ kéɛ jè cɛ̃ɛ ɓɛ́ìn dɔ́ɔ́-dè-kà. Tiɔ̀ ɖíɛ́ ɓè ɓaɖaín, m̀ kɔ̃̀ m̀ ké dyɛ̀ fòìn ɓɛ́ m̀ kéɛ jè cɛ̃ ɖé dɔ́ɔ́ m̀ kè nyɔɔ̀ mu dèìn ɖeɛɛ mú.

5. Zĩàìn ɖɛ gbo. Dɔ́ɔ́ɔ̀ ɓɛ́ìn hwìè kà kò ɖò ɓɛ́ nyɔ se hwìɖìi dèɛɛ dyí ɖúɛ. Ɔ jèɛɛ, m̀ mɛ wɔ̃́ ɓɛ́ m̀ ké ɖɛ ɖò ɓɛ́ ɔ kpa ɖɛ ɖé nyɔɔ̀ gboɛɛ jè cɛ̃, kɛbì ɔ mɛ mɔ̀ ɖɛ kà kò ɖò sɔ̀ìn ɖé Baɓoɔ mú ɓɛ́ ɔ kò ɓó nyɔ m̀ poìnɔ́ má kà jè hwìɖìi kĩ́ín nyɛ gboɛ.