ˈCƖƐCƖƐKÏBHË 1

-Naˈa ˈwʋtɛɛnɩwɛlɩɩ nɩ zɩ dlɩ kɛ

Tietiewaa 17:22

ˈSAA -N ˈKÄÄ NƲ: -Naˈa wɛlɩɩ -n ˈkää ˈwʋ tɛɛnɩ nɩ ˈsunɩ -mä nɩkpa wa -kamö ˈyukwli -pʋnɩ, yɩ nɩ tula -lu -muɲɩ wɛlɩɩ -n ˈkää bhïlaa, yɩ nɩ tulaˈɛ nɩɩ wɛlɩɩ -n ˈkää bhïla kä dɛsɛ wa dɔˈwʋ.

SƐƐ -N ˈKÄÄ ˈZƲ:

Sɛɛ -n ˈkää ˈzʋ wa -kamö ˈyukwli -pʋnɩ. Ghlɛnɩ nimïyɩbhäkïbhë ˈmö, ˈwʋpälɩwɛlɩɩ, ˈtɩtɩ, ɛ -käˈɛ ˈkïbhë -mämaa -a ˈkää -bhɛ, wa -kamö ˈyukwli -pʋnɩ.

-N -kä -naɲɩ ˈwlu gïganɩ dɔˈwʋ -wʋ, -lii -yɩɲɩ gbʋ ˈkää ˈyukwlipʋnɩwaa plɛnɩ, ˈmö -n nɩ ˈpänɩ sasɛ dlɩ kɛ. -Lɛ a dɔˈwʋ, -n -yi sɛɛ -n ˈkä gbä.
-Naˈa ˈwʋtɛɛnɩwɛlɩɩ nɩ tula -lu -muɲɩ wɛlɩɩ -n ˈkää bhïlaa. -Mä -naˈa ˈwʋtɛɛnɩwɛlɩɩ ˈmö, kibhëa -n ˈkää ˈmö -sɛnɩ, ˈsaa ˈkïbhëa ˈla ˈkʋa ˈcɩa, ˈyukwlipʋnɩwaa nɩ ˈnwi sasɛ ˈmö.
Tula nɩɩ wɛlɩɩ -n ˈkää bhïla kä dɛsɛ. -Lii -yɩ ˈkʋa kwänɩ -mä ˈwa zɩkpa ˈmö, yɩ wɛlɩɩ mö -n nɩ bhïla. ˈSaa -n bhïla, sɛ yɩ ˈkʋa bhʋlʋbhlʋ kwänɩ -mä ˈwa zɩkpa ˈmö, wa nɩ ˈnwi sasɛ ˈmö.

-N -kä bhïlabhulu -bhɛ yii, ˈyɩbhä -naɲɩ nimï nɩɩ, ‘-lii a -mi yɔlɔa bhä lagɔdaayuëa -wa -wʋä -mä ˈna lagɔzɩkpa ˈmö ˈnɩ?’ ˈN -mä -naˈa ˈwʋtɛɛnɩwɛlɩɩ ˈmö, bhïla yɩ wɛlɩɩ.