Bhïla kuˈmösusɛ ˈn ˈzʋ -naɲɩ ˈyukwlipʋnɩwaa a ˈbhle ˈmö

1 Tesaloniikö 2:7, 8

ˈSAA -N ˈKÄÄ NƲ: -Mä -naˈa bhïlabhïlasaa ˈmö, tula nɩɩ, -n kä -tiamö -wa -pʋnɩmöä ˈyukwli a -wawʋ dlɩ -zɛmö, ˈn wa gbʋ plɛnɩmö.

SƐƐ -N ˈKÄÄ ˈZƲ:

• ˈPä -wa -pʋnɩmöä ˈyukwli a dɛ dlɩ. -N -kä -naɲɩ ˈwlu gïganɩ dɔˈwʋ -wʋ, kii wa -wʋä ˈmö, ˈmö -n nɩ ˈpä dlɩ ˈwʋ. Sɛ wa yɔlɔɔ, ˈpäni dlɩ kɛ.

• Wɛlɩkïbhï -n ˈkää bhïla, ˈpäni sasɛ dlɩ kɛ. Wɛlɩkïbhï a -mi ˈkää ˈwa dila ˈwʋ pïpa, -yɩ ˈkʋa swɩ ɲɛmʋ ˈmö ˈpä, -yɩ ˈkää nɩkpa dlɩ ˈwʋ ˈtɛmanɩ, ˈmö -n nɩ bhïla. Wɛlɩɩ a -mi ˈkʋaa swɩ yɔwʋ ˈkuanɩ, ti bhïla. ˈN -wa ˈnɩɛ Zoova ˈa Bhlɩnɩwaa glɩnɩ tɩ wa dɛ ˈzokwësɛ bhïla. ˈN ˈsaa wa käˈɛ dlɩ ˈwʋ, wa glɛɛ ˈwa dila ˈwʋ, tɩˈɛ yɩ dɛ ˈzokwësɛ bhïla.

• Tula nɩɩ wa gbʋ plɛnɩmö. -Naˈa bhïlawɛlɩɩ nɩ -wʋ -pälɛpälɛ. -N -kä bhïla dɔˈwʋ -wʋ a sɛ -n yɛkaa nɩ tula nɩɩ, -wa -pʋnɩmöä ˈyukwli kä dɛsɛ -na ˈyila ˈklʋ. Sɛ -naˈa ˈklʋ ˈmö ˈkää -wʋ, ˈnɛmanɩ -sɩbhä ˈwʋ. N bhɛnɩˈɛ -n ˈkä mɩmɛ.