-A -kä lagɔwɛlɩɩ ˈɲɛɛ yi a sɛ -a ˈkää gbä

SƐ A PÄ BHÄ ˈZƖGBLƐ A DƆˈWƲ DLƖ ˈNƖ?

Nimïyɩbhäkïbhë: Sɛ a pä bhä ˈzɩgblɛ a dɔˈwʋ dlɩ ˈnɩ? Zɩkpaa -a -wʋa zɩˈɛ -wʋ, -sɩbhä a ˈkä bhä tʋnɩ -a? ˈMö a ˈkä bhä ˈtɛmanɩ -a? A yi bhä nɛnɩmanɩ -a? Sɛ -n pä bhä dlɩ ˈnɩ?

Biblë ˈa gbɛlʋ: Kl. 21:3, 4

Sɛɛ -a ˈkää gbä: ˈKïbhëa n -kamöä dɛˈɛ ˈwʋ ˈyɩbhänɩ, sɛ -n pä bhä a dɛ dlɩ ˈnɩ? Sɛɛ Biblë gbää -mä ˈKlʋkälɩwɛlɩɩ 21:3, 4 ˈmö, -lɩbhä kpʋ 2 ˈklʋ ˈyie -ka ˈylɩmö. ˈYɩɛ: Lagɔ yi -aˈa yɔlɔylʋ ˈwuë sɛ -sɛ. ˈKwie aˈbhë ˈnaa ˈkäa -bhölɩ. [ˈPɔ swɩ ɲɛmʋ ˈmö nzɩ ɔ ˈkä bhäla ɔ ˈyize kpʋ ˈwuë mö zɛlɩ]

A ˈLIBHÏ BHÄ BIBLË ˈWƲ ˈNƖ?

Sɛɛ -a ˈkää gbä: Zɩˈɛ, kpʋ nɩ ˈmö -a -wʋä a pɩɔ ˈyli a nɩkpaa ˈwuë ˈɲɛ dɔˈwʋ.

Nimïyɩbhäkïbhë: ˈYɩɛ -ka nimïyɩbhäkïbhëa -a -wʋä -lɛ kpʋ 1 ˈklʋ ˈylɩmö. Sɛɛ -n pä bhä a dɛ dlɩ ˈnɩ?

Biblë ˈa gbɛlʋ: 2 Tim. 3:16, 17 Kpʋ nɩ ˈmö, -n yi Biblë a -gömö a -lii -mimii a -bɛ ˈcɩɛ.

LAGƆ ˈA ˈTƖTƖ A -TƖTƖƖ!

Sɛɛ -a ˈkää gbä: Sɛ -a ˈcɩaa nɩkpa Biblë ˈn wa nɩ ˈpɛnɩɛ -lu a wɛlɩ ˈmö n -yimöä ˈɲɛɛ. Sɛɛ -n ˈkää dɛsɛkäkïbhï a zɛmösɛna -mä -naˈa Biblë ˈmö ghlɩ a wɛlɩ ˈmö blosu nɩ sʋlʋnɩɛ.

Nimïyɩbhäkïbhë: -N yɛ ɔ tɛkäsɛ Biblë ˈmö zɛlɩ -a? Sɛɛ blosu ˈlɛ ˈmö a ˈcɩɛcɩɛkïbhï ˈnɩɛ ˈmö ˈtɛɛ, ˈnɩgbö n -kamö -sɩbhä ˈylimö tulanɩ. [A nɩ ylɩ ˈcɩɛcɩɛkïbhëa 2 ˈmö a nimïyɩbhäkïbhëa 1 yɔwʋ.]

Biblë ˈa gbɛlʋ: Kl 4:11

SƐ -N ˈKÄÄ GBÄÄ -NAƝƖGÄSƐ TƐLƖ -SƖBHÄ SƐ

-Gänɩ ˈdɩmözʋwɛlɩ wa ɲɩaɲɩɛ nzɩ -naɲɩgäsɛ a sɛ -n ˈkää gbä, -n ˈkɩ sɛ tɛlɩ.