-A nɩ kä ˈslɛlɛ -mä -aa lagɔwɛlɩɩ bia libhoo ˈmö:-Muë -a ˈcɩaa Biblë, -a nɩ kwänuë wa ˈkä waɲɩ Lagɔ yowʋ ˈɲɛ ˈn wa ˈkä badizee

ˈSAA KÄÄ ˈŊLƖ ˈN YƖ KÄÄ DƐSƐ: -Wa cɩɛɛ Biblë -kä wa ˈkä Zoova dlɩ yɔwʋ nɛnɩɩ, wa kä wa ˈkä ˈwa zɩkpa Lagɔ yowʋ ˈɲɛ ˈn wa käˈɛ wa ˈkä badizee. (1P 3:21) -Lɛ a dɔˈwʋ wa -kä ˈɔ wɛlɩɩ ˈklʋkpamö ˈzʋʋ, Lagɔ yʋa ˈwʋ -kʋ ˈn wa yi ˈyukusɛ mö lagɔwɛlɩɩ ˈmö. (Ps 91:1, 2) -Ɔ glɩnɩɛ klɩtɩɛ, Zoova ˈmö ɔ ˈɲɛɛ ɔɲɩ yowʋ. Maa, ˈɔ libho ɛ -käˈɛ mäˈä ˈpɩwʋ a ˈwlugïganɩzɩkpö ˈmö ɔˈɔ ɔɲɩ yowʋ ˈɲɛ. Zaa, -wa ˈcɩɛ Biblë kä wa ˈkä Lagɔ -wa.​—Gh 14:7, 8.

SƐ -A ˈKÄÄ ZƲ:

• -N -kä nɩkpɛ Biblë cɩa dɔˈwʋ -wʋ, ˈsaa ɔ cɩɛɛ Zoova a dɛ, a nɩ bhïla yɩ wɛlɩ. ˈƝɔ ˈdɩ nɩɩ, zila ˈwuë ˈmö ɔ nɩ zɛlɩ Biblë ˈmö ˈn ɔ nɩ bhibhe ‘ˈkwädlɩ’ Zoova.—1Te 5:17; Za 4:8

• -N ˈcɩaa Biblë, ˈɲɔ ˈdɩ nɩɩ, ɔ nɩ tɛlɩ sɛ ɔ ˈkä ɔɲɩ Lagɔ yowʋ ˈɲɛ ˈn ɔ ˈkä badizee. ˈN kwänɔɔ -bhlɛ ɔ ˈkä -mä ˈwluyɩbhäyɩbhʋ ˈwʋ nimïyɩbhäkïbhï a zɛmösɛna ˈɲɛ ɛ -käˈɛ ɔ ˈkä ɔ dɛglɩwaa ɛ -käˈɛ ɔ -ɲɛ nʋä libhoo lagɔwɛlɩɩ ˈɲɛ. Ligbaa nɩɩ Zoova ˈnɩɛ nɩkpɛ ˈwlumö köbhänɩ ɔ ˈkä ˈɔ libho nʋ. -Ɔ yɩbhää mɔɔ ˈɲɔɔ ɔɲɩ yowʋ.—Dt 30:19, 20

• -N ˈcɩaa Biblë, ˈpɔ swɩ ɲɛmʋ ˈmö ɔ ˈkä ˈmö zigbonɩ, ɔ ˈkä ˈsaa Zoova yɩbhää nʋ ˈn ɔ ˈkä badizee. (Pr 27:11) -Mɔmɔɔ a sɛ ɔ -wʋ a-a bhlaˈmö, ɔ ˈkä -sɩbhä kɛˈmö -sɛ a dɔˈwʋ, ˈmö yɩ ˈtɛɛ. -Sɩbhä a -nɔɔ ˈla, wa kä wa ˈkɔ kwänɩ ɔ ˈkäa ˈɔ -wʋwʋsazokwëa kɛˈmö -sɛ nzɩ ɔ ˈkä -wʋsɛlele -a -wʋä lagɔsɛ ˈwʋ ˈlibhï. (Ɛf 4:22-24) La tour de Garde ˈmö a kïbhëa -a nʋä “La Bible change des vies,” a nɩ yɩlɩa yɔwʋ.

• Zoova ˈa libho -n -wʋä nʋ dɔˈwʋ a -li a -lii -n ghlɩɛ, ˈɲɔ yɩ wɛlɩ.—Is 48:17, 18