Abhʋa -dɩgbö, Zoova mɔ glɩnɩ bhä a bheyi ˈkɔdɔ -a?

-Wʋwʋsaa a kii -mi -n yɩbhä ɔ -na bheyi nɩ kä ˈnɩ? Ɛ yi -kamä, -wawʋ, kɛgänɔɔ ˈn dlɩzɛmönanɔɔ mu. -Wʋwʋsaa a ki ˈla, Zoova mɔɔ kää yɩ ˈwuë. (Ex 34:6; Zt 14:17) -A -kɔɔ bhibhee, ɔ -pʋnɩɲɩ ˈyukwli. -A -kä ˈki ˈmö -wʋ, ɔ kwänɩɲɩ. (Ps 18:19, 35) -Aˈa -lizoku -a nʋä, ɔ ˈtatinɩ yɩ gbʋ ˈyi. (1Zh 1:9) Zoova, bheyi a -nɔ a -nɔ, -ɔɔ -sɩbhä a sɛ -wʋ ˈmö ɔ glɩnɩɛ!

Sɛɛ -n bhɛnɩ ɔ -n ˈkä Zoova a bheyi ˈzʋ ˈnɩ? -N ˈkä ɔ -gömö a wɛlɩɩ -yi a dɔˈwʋ, zɛlɩɩ ˈɔ wɛlɩɩ ˈmö. ˈTɛɛnɔɔ dlɩ ˈn ˈɲɔ -naˈa ˈmlɩ a wɛlɩɩ. (Ps 62:8; 142:2) Tula nɩɩ, Zoova ˈa -lii -yɩ kää dɛsɛ, ɔ Yowli, ˈɔ ˈKämanɔɔ ˈn ˈsaa ɔ ˈkää zɩkö ˈyli ˈwälanɩ, yɩ nɛnɩmö teɲii dlɩ yɔwʋ. ˈƝɛ ˈɔ wɛlɩɩ nɩkpa. (Dt 32:3) -N -ɲɛ Zoova ˈsɔ, a -kä teɲii -wanɩ, a yi ˈkwädlɩkwädlɩnɩ a bhɛya glɩnɩ ˈyize.—Ps 73:25, 26, 28.

A NƖ YLƐ VIDEO, ABHƲA -DƖGBÖ, “A NƖ YƐLA -LII ˈMÖ A ˈKƖ ˈYLƖMÖ SƐƐ ZOOVA NƐNƖƐ” ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Sɛ -n ˈkä ɔ -naɲɩ ˈwlu gïganɩ -n ˈkä -naɲɩ Lagɔ yowʋ ˈɲɛ ˈn -n ˈkä badizee ˈnɩ?

• 

  -Mä lagɔzɩkpa ˈmö a -nʋa, sɛɛ wa bhɛnɩ ɔ wa -kamö kwänɩ -n ˈkä Zoova ˈa libhoo nʋ ˈnɩ?

• 

  Sɛɛ lagɔwɛlɩbialibhoo ˈtumanɩ ɔ -n -ɲɛ Zoova ˈsɔ a ˈwʋ -wʋnɛ ˈmö ˈnɩ?

• 

  -Mä lagɔlibhoo ˈmö a dɔˈwʋ, libhoo mu -n bhɛnɩ ɔ -n ˈkä nʋ ˈnɩ?

• Zoova a dɛ, ˈsaa nɛnɩmö ɔ teɲii dlɩ yɔwʋ ˈnɩ?