-A yi zɩkö galɛ ˈmö ˈwlʋ, Lagɔ -ɲɛ Zezwii ˈsɔ a bɔɔmö a za

ˈSaa ˈtɛɛnɩmö bhä kɛˈmö, zila ˈwuë ˈmö ˈnɩ? ˈLigbëlowli a -mɔ kää -mä ˈɔ ˈligbëa ˈmö libhi -a -bɛ, ˈmö -n glɩnɩ bhä -a? ˈYuëlowli a -mɔ -suä ɔ ˈyize ˈɔ yuëa mö -n glɩnɩ bhä -a? -Sukuyu a -mɔ ɔ ˈbhɩa yɔlɔa -mä -sukugbë ˈmö, mö -n glɩnɩ bhä -a? ˈLɩbhägu ɛ -käˈɛ gɔgʋ, mii -wʋmö bhä yɔlɔa dɔˈwʋ -a? -A ˈwuë -a kä bhʋlʋbhlʋ -lii -yɩ ˈtɛɛnɩɲɩɛ kɛˈmö. -Sɩbhä a -li ˈla, yɩ bhɛnɩ yɩ ˈkä Klɩtɩɛyi ghlɩ ˈtɛɲɩ -bhlʋ -kpɔ ˈmö. Miɛ abhlɩ, maa -a -yi sɛ nɩɩ Zoova -yiɲɩa -pa yɔlɔylʋ ˈla ˈwuë a galɛ ˈmö -sɛ.​—2Kɔ 4:16-18.

Yɩˈɩɛ -bhlɛ ˈyli ˈwlʋnɩ abhlɩ, maa Zoova yɩlɩ -aˈa yɔlɔylʋ ˈwʋ, sɛ -a -gänɔɔ ˈn sɛ -a ˈkunɩɛ ˈmlɩ, yɩ nɛnɔ dlɩ yɔwʋ, ˈn sɛ ɔ -kaɲɩɛ ˈɲupälɩ ˈkädɩ ˈɲɛ, yɩ paɲɩ teɲii swɩ ɲɛmʋ ˈmö. (Jr 29:11, 12) -A ˈwuë -aa gbʋ plɛnɩ Zezwii. ˈSaa Klɩtɩɛyi ˈkää nʋ, -a -kɩɩ nʋ dɔˈwʋ -wʋ, -a nɩ kɩ dlɩ ˈwʋ nɩɩ ‘ɔ -wʋɲɩ -gömö.’ (Mt 28:20) Lagɔ ˈa ˈKämanɔɔ a ˈtɛɲɩ ˈmö, sɛɛ -a ˈkää zɩkö galɛ ˈmö ˈwlʋ, -a -kɩɩ dlɩ kɛ ˈpänɩ, -aˈa Lagɔ a dlɩtɛɛnɩtɛnɛ yi ˈmö ˈtumanɩ.​—Gh 8:19-21.

A NƖ YLƐ VIDEO, -AˈA YƆLƆYLƲ A KII ˈWUË ˈMÖ, ZEZWII MÖ -A NƖ YƖLƖ ˈWƲ: ˈƝUPÄLƖ LAGƆ ˈA ˈKÄMANƆƆ ˈKÄÄ -LƐMÖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Sɛɛ nɩkpa ˈdionɩ ɔ Lagɔ gwë ˈnɩ? ˈN ˈsaa yɩ ˈwälanɩ ɔ ˈyli ˈnɩ?

• -Wa ˈtɛɛnɩɛ Lagɔ dlɩ, -li a -lii a -mi wa ˈkä ɔ zɩkö ghlɩ ˈnɩ?

• -Li a -li ˈla Zoova gbää ɔ -kaɲɩ zɩkö ˈɲɛ, sɛɛ ɔ ˈkɩ ɔ ˈyli ˈwälanɩ ˈnɩ?

• ˈƝupälɩ Lagɔ gbää ɔ -kaɲɩ ˈɲɛ -mä ˈbhlɩ -bhlɩɩ ˈmö, yɩ glaˈmö a -mi -n yɩbhä ɔ -n ˈkä ˈwʋ -päpanɩsɛ ghlɩ ˈnɩ?