˗ABHƲA KLƖTƖƐWAA SƐ ˗A ˗BHÖLƖƐ
˗A nɩ tɛlɩ sɛ ˗a ˈkä Lagɔ ˈa dlɩpäsaa yɩbhlɩnɩ
˗Mä ˗aˈa nʋnʋlii ˈwuë ˈmö, ˗a yɩbhä ˗a ˈkä Zoova dlɩ yɔwʋ nɛnɩ. (Pr 27:11) ˗A ˈkä ˗sɩbhä ˈzʋ a dɔˈwʋ, ˗a ˗kä ˗lu nʋä yii, ˈpäpägba a ˗ma bhïla ˗sɩbhä a wɛlɩɩ ˈnɩ ˗bhölɩ aˈbhë ˗kë, ˈsaa ˗a ˈkää nʋ kä wʋ ˗ɲɛ Lagɔ ˈa dlɩpäsaa ˈsɔ ˈkä yɔwʋ mönɩ. ˈSaa ˗kaɲɩ ɔ kwänɩ ˗a ˈkä ˗sɩbhä ˈzʋ ˈnɩ?
ˈCɩɛ ˈkwädlɩ Biblë ˈyize. ˗A ˗kä ˈtɛɲɩ ˈwʋ ˈlibhï ˈn ˗a ˗kä Biblë ˈmö zɛlɩɩ, sɛɛ ˗a ˈkäa ˈtɛɲɩ ˈwʋ ˈlibhï nzɩ ˗a ˗ɲɛ Zoova ˈsɔ ˈkä ˈdɩ ˗sɛ, ˗sɩbhä yɩ ˗wʋä. ˗A ˗kä Biblë ˈmö zɛlɩɩ, sɛɛ Zoova ˗su a˗a ˈɔ ŋëyi, ˗wa nʋ a˗a ˗li a ˗lii ˈɔ ˈyila ˈklʋ ˈn wa nʋˈɛ ˗lizokuu, ˗a ˗kä wa wɛlɩɩ dlɩ kɛ ˈpänɩ, ˗a yi Zoova ˈa dlɩpäsaa yɩbhlɩnɩ. ˗A ˗kä ˗lu nʋä yii, Lagɔ ˈa ˈwugɔmʋʋ bhɛnɩ wʋ ˗kaɲɩ kwänɩ nzɩ Lagɔ ˈa ˈpäpägböö ˗a ˈcɩɛ a˗a ˗mä Biblë ˈmö, ˗a ˈkɩ ˈwʋ ligbanɩ.—Zaa 14:26.
Tɛlɩ sɛ ˗n ˈkä sasɛ ˈmö ˈnʋ. ˗N ˗kä ˗lu nʋä yii, ˈyɩbhä ˗naɲɩ nimï nɩɩ ‘Biblë a gbɛlɩ, ɛ ˗käˈɛ nɩkpa a wɛlɩɩ ˗mi bhɛnɩ ɔ yɩ ˗kaa kwänɩ n ˈkä sɛɛ Zoova ˈpää dlɩ ˈmö ˈnʋ ˈnɩ? Bhibhe Zoova ɔ ˗kamö kwänɩ, ˈn lagɔbɔgwɩ ˗ɲɛ ˗lii ˗mimii ˈsɔ wa ˗bhɛnɩɛ ˗naˈa ˗dagwälɩgbʋ ˈmö, ghlɛnii ˈmö ˗n ˗kä sɛ tɛlɩ. ˗Lɛ a dɔˈwʋ, ˈpäpägböö ˗n ˈkää ˗gänɩ, ˗n ˈkɩ ˈylɩmö.—Ps 25:4.
A NƖ YLƐ VIDEO WA LAA, NOUS DEVONS « COURIR AVEC ENDURANCE » : ALIMENTONS˗NOUS SAINEMENT ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
˗Mä video ˈlɛ ˈmö, ˗lii a ˗mi ˈtɛɛnɩ a˗a bhä ˗aa ŋlʋdaayu kɛˈmö ˈnɩ?
˗Sɩbhä a ˗lii ˗kamö ghlɩ, ˗lii ˗a ghlɛnɩɛ ˈmö ˈn ˗a tɛlɩɛ sɛ, yɩ bhɛnɩ ɔ yɩ ˗kamö kwänɩ ˗a?
˗A ˗kä ˗a ˈyize a Biblë a ˈcɩɛcɩʋ ˗bhɛ ˈn ˗a ˈkäˈɛ sɛ tɛlɩ ˗a ˈkä sasɛ ˗lii ˈmö ˈnʋ, sɛ yɩ bhɛnɩ ɔ yɩ ˗kaɲɩ kwänɩ ˗a ˈkä ˗li a ˗lii ˗lɛ ˗sɛ ˈnɩ?—Eb 5:13, 14.