ˈSaa ˗a ˈkää nʋ Zezwii ˈa ˈkwie a ˈwʋligbanɩzlɩ a ˈtɛɲɩ ˈmö

ˈYlʋbö ˈwuë ˈmö, Zoova a Bhlɩnɩwaa ˈwlu wa ˈyɩbhää wa ˈkä Zezwii ˈa ˈkwie ˈwʋ ligbanɩ. Zezwii ˈa ˈkwie a ˈwʋligbanɩzlɩ a ylɩɩ ˗kä ghlɛ dɔˈwʋ ˗wʋʋ, ˗a bhɛnɩ ˗a ˈkä ˗lɛ a ˈtɛɲɩ ˈla ˈwʋ ˈlibhï nzɩ ˗a ˈkä Zoova a ˈŋlɩ ˈghlimanɩ, ˈn ˗a ˈkɔˈɛ bhälɩ sɛ ɔ zetiɲɩɛ a za. Zezwii ˈa ˈkwie a ˈwʋligbanɩzlɩ a ˈtɛɲɩ ˗kä ˈplɩ ˈwë, ˗a bhɛnɩˈɛ ˗a ˈkä ˗bhlɛ ˗sɩbhä ˈzʋ ˈyize. (Ɛf 1:3, 7) ˗A yɩɛ, ˈtɛɲɩ ˈla ˈmö ˈyli yɔwʋ ˗a ˈtɛmanɩɛ ˈn ˗a wäzɩɛ nɩkpa wa ˈkä Zezwii ˈa ˈkwie a ˈwʋligbanɩzlɩ ˈwʋ yi. ˗Mumuë ˈtɛmanɩ ˈyli yɔwʋ ˈn wa zʋä ˈcʋ ˈmö a ˈyiosɛwa, Maasɩ ɛ ˗käˈɛ Avlilɩ a cʋʋ ˈmö. Wa bhɛnɩ wa ˈkä ˈgïle a 30 ɛ ˗käˈɛ 50 ˗sɛ ˗mä lagɔwɛlɩbiabɛyɩ. Zezwii ˈa ˈkwie a ˈwʋligbanɩzlɩ a ˈtɛɲɩ ˈmö, ˗n ˗yi ɔ ˗naɲɩ ˈwlu gïganɩ ˗n ˈkä ˗naˈa lagɔwɛlɩbialibhoo ˈwʋ gbanɩ ˗a? ˗N ˈkä ˗sɩbhä ˈzʋ a dɔˈwʋ, ˈsaa ˗kamö ɔ kwänɩ ˈnɩ?

Dɛ ˗mämaa a dɔˈwʋ, ˗a ˗kä sasɛ ˗aɲɩ ˈwlu gïganɩ, ˈsaa ˗a yɩbhää ˗a ˈkä nʋ, ˗a bhɛnɩ ˗a ˈkä ˗lɛ yɛˈmö bhlɩ aˈbhë. (Pr 21:5) Zezwii ˈa ˈkwie a ˈwʋligbanɩzlɩ a ˈtɛɲɩ ˗wʋ ghlɛ dɔˈwʋ zaa, ˗a nɩ gïganɩ ˗bhlɛ sasɛ ˗aɲɩ ˈwlu. Sɛɛ ˗n ˈkää ˈzʋ nzɩ ˗n ˈkä ˗naˈa lagɔwɛlɩbialibhoo ˈwʋ gbanɩ ˈn ˈsaa ˗n ˈkää ˗kä nzɩ ˗n ˈkäa libho ˈla nʋ, ˈpänɩ dlɩ kɛ. Bhibhe Zoova ɔ ˈkä ˗naˈa libhoo ˈɲu ˈpä.—1Zaa 5:14, 15.

Zezwii ˈa ˈkwie a ˈwʋligbanɩzlɩ a ˈtɛɲɩ ˈmö, sɛɛ ˗n ˈkää ˗naˈa lagɔwɛlɩbialibhoo ˈwʋ gbanɩ, ˗n ˈpäni ɔ dlɩ kɛ ˗a?