Sɛ a libhï bhä Biblë ˈwʋ ˈnɩ?

SƐ BIBLË GBÄÄ

“Lagɔ ˈa ˈbɔgʋʋ ˈmö a wɛlɩɩ ˈwuë, ɔˈbhë mɔɔ bhïlaniiɛ ˈɔ nɩkpa ˈmö ˈn wa yiɛ ˈcɛlɩ.”—2 Timotee 3:16, ˈMänatɩtɩ.

˗LI A ˗LII A ˈKÄÄ ˗MÄ ˈA ZƖKPA ˈMÖ GHLƖ

Dlɩsɛkäkïbhï nɩkpa yɩbhänɩɛ waɲɩ ˈwʋ a zɛmösɛna.—Proverbes 2:1˗5.

Dlɩwʋkälu ˗wʋ ˗kaɲɩɛ sasɛ ˗su.—Psaume 119:105.

Dɛ a kää sɛ a ˈkä ˗lɛ kɛ ɲɔnʋ ˗këë, a ˈkä ˗mä ˈgbë ˈwʋ ghlɛ. —Ghlɔɔmö 15:4.

˗A YI Ɔ SƐ BIBLË GBÄÄ DƐˈƐ ˗TIAMÖ DLƖ ˈWƲ ˗KÄ ˗A?

Nn. Kïbhï ˈlɛ ta ˗kpɔ a za:

• Sɛ ɛ ˈmö ˈa wɛlɩɩ mönɩɛ yɔwʋ a dɔˈwʋ, zuzu yɩ sɛɛ ˗gömö. Nɩkpa a 40 a sɛ mʋa ˈcɛlɩɛ Biblë. Wa ˈcɛlɩnɛ ˈylʋbö a 1.600 ˈmö. Waˈaa ˗yiyinɩ, maa ˈsaa wa ˈcɛlɩɛ yɔwʋ yɩ mönɩɛ.

• Gbëawɛlɩɩ. Bhlɩɩ ˗gömö a nɩkpa wabhlɩ, wa ˗kä ˈwa ˈbɔgwɩɩ ˈcɛlɩ, ˈwa ˈdɩ a ˗dɩ a ˈyize ˈmö wa sɛɛ ˈn wa ziza zokuu. Maa ˗wa ˈcɛlɩɛ Biblë wabhlɩ, waɲɩgäsɛ ˗ɲɛ ˈwa bhlɩɩ ˈmö a ˗nʋa ˈsɔ ˈa ˈɲiɲlolii, ˈmö wa pää ˈpɩwʋ. —2 Chroniques 36:15, 16; Psaume 51: 1˗4.

• Dlɩwʋkäwɛlɩɩ ˗yɩ ˈkää ˈyli ˈwlʋnɩ. ˈYlʋbö a 200 tʋ ˗mä wa ˈkä bhlaˈmö a Babilɔɔnɩ a ˗glɔ sɛ ˗sɛ, ˈn Biblë yiɛ yɩ wɛlɩ bhïla. (Isaïe 13:17˗22) Sɛ wa ˈkää bhlaˈmö a Babilɔɔnɩ a ˗glɔ sɛ ˗sɛ, yɩ ˈyize a wɛlɩ Biblë ˈnɩɛ bhïla, maa ˗ɔ ˈkää ˗glɔ ˈla sɛ ˗sɛ ˈmö ɛ ˗dɩɛ ˈŋlɩ!—Isaïe 45:1˗3.

  Sɛ Lagɔ bhïla wɛlɩ, yɩ ˈwuë ˗sɩbhä yɩ ˈwlʋnɩɛ ˈyli ˈtɩɩ. ˗Sɩbhä Lagɔ ˈa wɛlɩɩ ˈnɩa ɔ yɩ ˈkä ˗wʋ la ˗a?—2 Piɛlɩ 1:21.