ˈCƖƐCƖƐKÏBHË 18

ˈYukwlipʋnɩwaa nɩ ˈcɩɛ -lii ˈlilili

1 Kɔlɛɛtɩ 9:19-23

ˈSAA -N ˈKÄÄ NƲ: Sɛɛ -n ˈkää ˈzʋ ˈyukwlipʋnɩwa ˈkä ˈsaa wa -pʋnɩɛ ˈyukwli dlɩ kɛ ˈpänɩ, ˈn wa ˈki ˈylɩmö nɩɩ dɛsɛkälii wa ˈcɩɛɛ, ˈzʋ -sɩbhä.

ˈSaa ˈyukwlipʋnɩwaa -yiɛ ˈkɩ, ˈpäni dlɩ kɛ. -Lii a -mi wa yɛɛ tɛkäsɛ ˈnʋ, mö -n nɩ tɩ bhïla ˈyize. Maa, sɛ yɩ ˈkʋa kii -mimii ˈmö kwänɩ, -sɩɩ -sɩbhä zɛmö.

ˈSaa wa -yiɛ ˈkɩɩ, bhïla ˈtikïyie ˈwʋ yɩ wɛlɩɩ. ˈLibhï ˈtɛɲɩ a -bɛ ˈwʋ, ˈn sɛ wa ˈkiɛ kii -mimii ˈmö a dɔˈwʋ ˈmö ˈnʋ, -n ˈki -sɩbhä ˈmö -sɛsɛnɩ.
Tɛlɩ sɛ ˈn ˈpäni dlɩ kɛ. Kïbhï -yɩ kää dɛsɛ, -n -kɩɩ zɛmö -sɛɛ yi, ˈtɩtɩ a -mi waˈaa sasɛ -yi, ɛ -käˈɛ -lii -yɩ ˈplɩɛ ˈlili ˈwʋ ˈwʋ, bhïla yɩ wɛlɩɩ. Zaa, -n ˈkää bhïla -ɲɛ -lii ˈla ˈwuë ˈkä yɔwʋ mönɩ, ˈmö -n nɩ ˈpänɩ dlɩ kɛ ˈwë -n ˈkäa bhäla bhïla.

-N -kä -naɲɩ ˈwlu gïganɩ dɔˈwʋ -wʋ, ˈyɩbhänɩ -naɲɩ kïbhï ˈlɛ ˈwʋ, “sɛ yɩ -wʋ ɔ ˈmö, -yɩ kä ɔ ˈŋlɩ, -zlɩmɛ ɔ, ma-a bhä, -mɔ bhä, ˈn sɛ yɩ ˈplɩ ɔ ˈwʋ.” -Naˈa ˈcɩacɩʋ ˈkäa ˈmäna ˈwʋ -bhö a za, ghlɛnɩ -sɩbhä a nimïyɩbhäkïbhï ˈmö, ˈn -sɩɩ zɛmö.
Tulanuë ˈylimö nɩɩ -naˈa wɛlɩɩ kä wa -li a -lii ˈmö. Sɛɛ Biblë ˈmö a kïbhï bhɛnɩɛ yɩ ˈkä nɩkpa kwänɩ -mä ˈwa zɩkpaa ˈmö, -sɛsɛni -gömö. Kii ˈyukwlipʋnɩwaa -wʋä ˈmö, sɛ wa pää dlɩ, ˈn ˈwa nʋnʋlii -mimii, bhïla yɩ wɛlɩɩ.