Nɩkpa a gbʋ nɩ plɛnaɲɩ

ˈSaa Zezwii nʋ ɔ ˈnɩ?

VIDEO: Zezwii ˗ɲɛ ŋlɔɔ ˗ɔ yiɛ ˈɲibhë ˈwʋ ˈsɔ

1. A nɩ ylɛ VIDEO, a ˗käˈɛ ˗waa, a nɩ zɛlɩ Zaa 4:​6-9 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:

1. (1) Zezwii ˗ɲɛ nɩkpa ˗kä ˈdɩ ˗sɛɛ yii, ˈsaa ɔ köbha ɔ ˈyli ˈnɩ?

2. (2) Zezwii lɛ nɩɩ: “Ɲɩaa ˈɲu n ˈkä ˈnɩmä.” Sɛɛ Zezwii ˈzʋä ˈn ɔ ˗ɲɛ ŋlɔɔ ˈsɔ yiɛ ˈdɩsɛsʋ tɛɛ, ˗yɩ kä ɔ ˈŋlɩ ˈn yɩ nɛnɩ ɔ ˈnɩ?

ˈSaa ˗a cɩɛ ɔ Zezwii a dɛ ˈnɩ?

2. Kïbhïï ˗yɩ nɛnɩɛ nɩkpa dlɩ yɔwʋ, ˗a ˗kä yɩ wɛlɩɩ bhïlaa, ˗a ˗ɲʋa ˈsɔ a ˈdɩsɛsʋ yi ˈmäna ˈwʋ ˗bhö.

A nɩ ˗gänɩ Zezwii ˈa gbäpöö

3. A nɩ bhïla ˗lii ˗yɩɲɩ gbʋ plɛnʋa a wɛlɩɩ. Kïbhïï a gïganɩɛ ˈwlu, a nɩ tɩ klɩpaa yɩ wɛlɩɩ bhïla. ˗Maa, kïbhïï wa ˈpänɩɛ zɩˈɛ dlɩ kɛ, wa yɩbhää wa ˈkä ˈmö ˈnʋ, yɩ wɛlɩɩ mö a nɩ bhïla. A nɩ ˈyɩbhä bhʋlʋbhlʋ aɲɩ nimï:

1. (1) ‘ˈLili nɩ ˈwʋ, ˈsaa ˈplɩ ɔ ˈwʋ ˈnɩ?’

2. (2) ˈNa dɛglɩwaa, ˗muë n ˗ɲɛ nʋnɩɛ libho ˈwʋ, ɛ ˗käˈɛ na ˈbhɩa ˗sukuyuëa, wɛlɩɩ a ˗mi wa bhïla ɔ ˈyize ˈnɩ?

4. A nɩ köbha sasɛ ˗lii ˈyli. A nɩ ˈyɩbhä bhʋlʋbhlʋ aɲɩ nimï:

1. (1) ‘˗Lii a ˗mi nɩkpa nʋ ɔ ˈkwädlɩ ˈnɩ? ˈSaa wa pä ɔ ˗kamä ˈwʋ dlɩ ˈnɩ?’

2. (2) ‘ˈƆ ˈmöpälasaa ˗ɲɛ ˈɔ ˗buduu ˈmö a ˗lii ˈsɔ, sɛ yɩ tula ɔ ˈsaa ɔ kää dlɩ ˈwʋ ˈnɩ?’

3. (3) ‘ˈTɛɲɩ ˗mɛ ˈmö n ˈkɔ ɔ lagɔwɛlɩɩ ˈɲɛ ˈnɩ?’

5. A nɩ ˗pʋnʋa ˈyukwli.

1. (1) A nɩ tɩ ˗bɛ ˈwʋ bhïla.

2. (2) A nɩ ˈpʋa swɩ ɲɛmʋ ˈmö wa ˈkäa sasɛ bhïla. A ˗kä bhɛnɩɩ, a nɩ ˈyɩbhänʋa ˈkïbhï ˈwʋ.