-A nɩ kä ˈslɛlɛ -mä -aˈa lagɔwɛlɩbialibhoo ˈmö: -A nɩ tɛɛ ˈdɩsɛsʋ -wʋ -kaɲɩɛ kwänɩ -a ˈkä lagɔwɛlɩɩ nɩkpɛ ˈɲɛ

ˈTɛɲɩ -ɛɛɛ dɩɩ ˈmö, Zezwii ˈɲɛ Samalii a ˈŋlɔ -bhlʋ lagɔwɛlɩɩ. Ɛˈɛ -bhö ɲɩasɛ, maa ˈdɩsɛsʋ ɔ tɛɛnɩɛ ˈwʋ a za-a. Sɛɛ -a ˈkä ɔ ˈzʋ, -a -ɲɛ nɩkpaa ˈkä ˈnɛgösɛ ˈdɩ -sɛ ˈnɩ?

• Nɩkpaa -a ˈkää lagɔwɛlɩɩ, -a nɩ ˈlibhuë bhɛya a sɛ ˈwʋ. Zezwii yɛ abhlɩ yɔlɔ maa, ɔ -ɲɛ ŋlɔ ˈla ˈkää ˈdɩ -sɛɛ yi, ˈɲu ɔ ˈyɩbhänɔ ˈwë. Zaa, -a -ɲɛ nɩkpɛ -kä ˈdɩ -sɛɛ yi, -a nɩ bhälɔɔ kuˈmösusɛ ˈwë. ˈƝizakwë -kä lɩbhä yi, ˈylʋ -käˈɛ ˈpʋ dɔˈwʋ -wʋ, -a bhɛnɩ -a ˈkä yɩ wɛlɩ bhïla. ˈN -lii -yɩ ˈplɩɛ ˈlili ˈwʋ, -a bhɛnɩˈɛ -a ˈkä yɩ wɛlɩɩ bhïla. Zaa, -a nɩ ligba nɩɩ, -a -ɲɔɔ ˈkä ˈdɩ -sɛ mö -a tɛlɩɛ sɛ. -Lii -yɩ ˈkɔɔ ˈmäna ˈwʋ -bhö, yɩ wɛlɩɩ mö -a nɩ tɛɛnɩ ˈwʋ. ˈN ɔ ˈnɩ ˈyɩbhä ɔ -ɲɛ -abhʋa ˈsɔ ˈkä ˈdɩ -sɛ, swɩ nɩ -tɩɲɩ yɔwʋ ˈkunɩ. -A nɩ tɛlɩ sɛ nzɩ -a -ɲɛ -mɔmɔɔ ˈkä ˈdɩ -sɛ. -A nɩ bibhe Zoova ɔ -kaɲɩ kwänɩ -a ˈkä ˈyli yɔwʋ ˈtɛɛ.​—Ne 2:4; Zt 4:29.

• Sɛɛ -a ˈkää ˈzʋ -a -ɲɛ nɩkpa ˈkä ˈdɩ -sɛ, nzɩ -a ˈkʋa ˈtɩtɩ a -tɩtɩɩ ˈɲɛ mö -a nɩ tɛlɩ sɛ. Maa -a nɩ -kpaanɩ dlɩ ˈmö. -A -kä nɩɩ, sɛ -a yɩbhää cuu -lii nɩ ˈplɩ -sɩbhä ˈwʋʋ, yɩ yi nɩkpɛɛ swɩ yɔwʋ ˈkuanɩ, ˈn ɔ yi ˈdɩsɛsʋ ˈbhlena. -A ˈnɔ -bhlɛ lagɔwɛlɩɩ ˈɲɛ ˈn ˈdɩsɛsʋ -kä ˈbhlenɩ, swɩ nɩ -tɩɲɩ yɔwʋ ˈkunɩ. -A ˈkä nɩkpɛ lagɔwɛlɩɩ ˈɲɛ -kaɲɩ kɛˈmö ˈtɛɛnɩ, -a nɩ yɛla -lii ˈmö -a ˈkä ˈdɩsɛsʋ sɛ tɛlɩ. [ˈZʋ -lɛ video 1, ˈn a nɩ yɩlɩ wʋ dɛsɛkäkïbhï yɔwʋ.]

• -A -kä ˈdɩ -sɛ dɔˈwʋ -wʋ, -a bhɛnɩ -a ˈkä ˈsaa -a kää -tiasɛ dlɩ ˈwʋ a wɛlɩɩ bhïla. -Lɛ a dɔˈwʋ, yɩ ˈkä -ɔ -pʋnɩɲɩɛ ˈyukwli -mä ˈsunɩ, ɔ -kaɲɩ ˈkïbhï ˈwʋ ˈyɩbhänɩ. Wɛlɩɩ -yɩ ˈkää ŋlɔɔ -mä ˈsunɩ nzɩ ɔ ˈkä nimï yɩbhä, ˈmö Zezwii bhïla. Bhäla, ɔ ˈɲɔɔ ˈtɩtɩ a -tɩtɩɩ, ˈkïbhï ŋlɔɔ ˈyɩbhänɔɔ ˈwʋʋ, ˈmö ɔ -sɛɛ zɛmö. [ˈZʋ -lɛ video 2, ˈn a nɩ yɩlɩ wʋ dɛsɛkäkïbhï yɔwʋ. ˈZʋ -lɛ video 3 ˈn a nɩ yɩlɩˈɛ wʋ dɛsɛkäkïbhï yɔwʋ.]