A nɩ bhïla ˈnɛgösɛ

ˈSaa Pɔɔlʋ nʋ ɔ ˈnɩ?

VIDEO: Pɔɔlʋ ˈɲɛ a˗a Atɛɛnɩ a ˗nʋa lagɔwɛlɩɩ

1. A nɩ ylɛ VIDEO, a ˗käˈɛ ˗waa, a nɩ zɛlɩ Nʋnʋlii 17:​22, 23 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:

1. (1) Pɔɔlʋ ˈyɩɛ ˈfʋ a ˗lagwɩɩ Atɛɛnɩ a ˗nʋa bʋbɔɔ a˗a ˈylɩmöö, ˈsaa yɩ nɔ ɔ ˈwlu ˈnɩ?— Yɩlɩ ˗mä Nʋnʋlii 17:16 ˈmö.

2. (2) ˈFʋ a ˗lagwɩ ˈla a dɔˈwʋ, Pɔɔlʋ ˈnɩɛ Atɛɛnɩ a ˗nʋa gbʋ köbha. ˗Maa sɛɛ ɔ ghlɛnɩ ɔ ˈsaa wa kää dlɩ ˈwʋ ˈmö, ˈn ɔ yua ɔ Lagɔ ˈa ˈtɩtɩ a ˗tɩtɩɩ ˈɲɛ ˈnɩ?

ˈSaa ˗a cɩɛ ɔ Pɔɔlʋ a dɛ ˈnɩ?

2. Sɛɛ ˗a ˈkää gbää, ˈn ˈtɛɲɩ ˗mɛ ˈmö ˗a ˈkää bhïlaa, ˗a ˗cɩɩ sasɛ dlɩ cɛ ˈpänɩ ˈwë ˈn ˗a ˗kä bhïlaa, wa ˗yiɲɩ sasɛ ˈyukwli ˗pʋnɩ.

A nɩ ˗gänɩ Pɔɔlʋ a gbäpöö

3. Wɛlɩkïbhï ˗yɩ ˈkää wa dila cɛ zɩ mö a nɩ tɛlɩ sɛ. A yɩɛ, nɩkpɛ a ˗mɔ ˈnɩɛ Lagɔ ˗yii, a ˗kɔɔ Biblë ˈmö a wɛlɩɩ ˈɲɛɛ yii, sɛɛ a ˈkää tɛɛ, a nɩ ˈnɛmani ˈwʋ. ˈN ˗a ˗kɔˈɛ Zezwii a wɛlɩɩ ˈɲɛɛ yii, a nɩ yɩbhlɩnɩ sɛ a ˈkää bhïla.

4. ˈSaa ɔ bhïla ˈnɩ gbëaa ˈmö ˗kä, a nɩ tɩ yɛˈmö tɩtasɛ ˈɔ wɛlɩɩ ˈwʋ ˗dɩ. A nɩ ˈtatinɔɔ ˈyi ɔ ˈkä bhïla. ˈN ˈsaa ɔ bhïlaa ˗ɲɛ Biblë a ˈcɩawɛlɩɩ ˈsɔ ˈnɩ yɔwʋ mönɩɩ, A nɩ pɩɛnɩ dlɩ ˈwʋ, a ˗ɲɔ nɩ tɩ kpɛnɩ. (Zaak. 1:19) A ˗kä ˈtɛɲɩ ˈwʋ ˈlibhï ˈn a ˗kɔɔ ˈyukwli ˗pʋnɩɩ, a yi ˈɔ dlɩpäsaa ˈmö ˈnʋ.—Prov. 20:5.

5. A bhɛnɩ a ˈkä gbä nɩɩ, a ˗wanɩ ˈɔ wɛlɩɩ ˈmö ˈn a nɩ bhɩzoo. Ɔ bhɛnɩ ɔ ˈkä dlɩ ˈpä nɩɩ, ˈɔ ˈsaa ɔ kää dlɩ ˈwʋ mii kää gbëaa ˈmö. ˗Maa, sɛɛ a ˈkää ˈzʋ nzɩ a ˈkä ˈmö ˈnʋnʋnɩ, mö a nɩ tɛlɩ sɛ. ˈN bhäla, a bhɛnɩ a ˈkɔ pɛɛpɛ pɛɛpɛ kwänɩ nzɩ ɔ ˈkä ˈsaa Biblë ˈcɩaa ˈmö ˈnʋ.