A nɩ tɩ ŋänɩ

ˈSaa Zezwii nʋ ɔ ˈnɩ?

VIDEO: Zezwii ˈɲɛ a˗a Zasee lagɔwɛlɩɩ

1. A nɩ ylɛ VIDEO, a ˗käˈɛ ˗waa, a nɩ zɛlɩ Lwiikö 19:​1-7 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:

1. (1) ˗Yɩ kä ɔ ˈŋlɩ ˈn nɩkpa ˗mumuë ˈnɩ a˗a ɔ Zasee a wɛlɩɩ ˗wa ˈnɩ?

2. (2) ˗Maa, ˈsaa ˈsunɩ ɔ ˗mä Zezwii ˈn ɔ yo ɔ Lagɔ ˈa ˈtɩtɩ a ˗tɩtɩɩ ˈɲɛ ˈnɩ?

ˈSaa ˗a cɩɛ ɔ Zezwii a dɛ ˈnɩ?

2. ˗A ˈkä nɩkpa ˈwuë Lagɔ ˈa ˈKämanɔɔ a wɛlɩɩ ˈɲɛ a dɔˈwʋ ˗wʋʋ, ˗aaa kä ˗a ˈkä ŋänɩ.

A nɩ ˗gänɩ Zezwii ˈa gbäpöö

3. A nɩ ˈtɛɛnɩ Zoova dlɩ. Lagɔ ˈa ˈwugɔmʋʋ muu ɲɛ a˗a Zezwii ˈmötɛɛnɔ ˈn ɔ ɲɛ a˗a nɩkpa lagɔwɛlɩɩ. Zaa, wʋ bhɛnɩˈɛ wʋ ˈkaɲɩ ˈmötɛɛnɔ ˈɲɛmö nzɩ a ˈkä nɩkpa lagɔwɛlɩɩ ˈɲɛ. (Mat. 10:​19, 20; Lwi. 4:18) A ˈkä nɩkpa ˗mumuë lagɔwɛlɩɩ ˈɲɛ ˗kaaɲɩ ŋanɔ ˈwʋ ˗bhöö, a nɩ bhibhe Zoova ɔ ˈkaɲɩ ˈmötɛɛnɔ ˈɲɛ.—Nʋn. 4:29

4. ˗A nɩ tɩ nɩkpa ˈmö gbäzɩ. Nɩkpa ˗mumuë ˗lɛ lɩkäwaa, ˗mumuë ˗lɛ ˈpʋawaa, ˗mumuë ˈa ˗bhölɩbhölɩsaa, ˈwa ˈsaa wa kää dlɩ ˈwʋ, ˈn sɛ wa ˗wʋä a za, ˗a ˈkʋa yɔwʋ ˈdionɩ nzɩ ˗a ˈkʋa lagɔwɛlɩɩ ˈɲɛ a dɔˈwʋ, ˗a yi ˗kamä ˈtikïyie ˈwʋ gʋgɔ. ˗Maa, ˗a nɩ tɩ dlʋ nɩɩ:

1. (1) Zoova ˗ɲɛ Zezwii ˈsɔ a ˈyize, mʋa yɩlɩɛ ˗ma nɩkpa a dila zɛmö ˈwʋ.

2. (2) ˗A ˗kä nɩkpa ˗mumuë ˈwʋ yɩlɩɩ, ˗a nɩ tɩ ˗zɩ dlɩ ˈpä nɩɩ Zoova ˈnɩɛ bhɛnɩ ɔ ˈkʋa kwänɩ.

5. A nɩ tɩ ŋänɩ, ˗maa a nɩ ˈnɛɛnɩˈɛ aɲɩ ˈwʋ ˈn a nɩ kä ˈklʋkpa. (Mat. 10:16) A ˗ɲʋa nɩ tɩ kpɛnɩ. ˈN a ˗kä sɛ yi nɩɩ, waˈaa yɩbhä wa ˈkaɲɩ ˈyukwli ˗pʋnɩɩ, a nɩ bhïla ˈklʋkpamözʋsɛ nzɩ a ˈkä ˈdɩsɛsʋ ˈbhlena.—Prov. 17:14.