A NƖ MUË ˈYLƖMÖÄ ˈYIZE
Nʋnʋlii 19:8-10
ˈCƖƐCƖƐKÏBHË 7
Swɩ nɩ taɲɩ yɔwʋ ˈkunɩ
ˈPäpägbaa: “Zilaa ˈwuë ˈmö, [ . . . ] ˈn wa biaa ˈkwädlɩ ˈMänatɩtɩɩ.”—Nʋn 5:42.
ˈSaa Pɔɔlʋ nʋ ɔ ˈnɩ?
1. A nɩ ylɛ VIDEO, a ˗käˈɛ ˗waa, a nɩ zɛlɩ Nʋnʋlii 19:8-10 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:
(1) Nɩkpa a ˗bɛ ˗gblɩ a˗a Pɔɔlʋ abhlɩ, ˗maa nɩkpa lagɔwɛlɩɩ nɛnɩ a˗a dlɩ yɔwʋ, sɛ ɔ ˈzʋ ɔ ˈn ɔ yua ɔ kwänɩ ˈnɩ?
(2) ˈWʋ ˗zɩmö Pɔɔlʋ mönɩ ɔ nɩkpa ˈylɩmöä nzɩ ɔ ˈkʋä kwänɩ ˈnɩ? ˈN ˈTɛɲɩ ˗zɩmö ˈmö ɔ ˈzʋnɩ ˗sɩbhä ˈnɩ?
ˈSaa ˗a cɩɛ ɔ Pɔɔlʋ a dɛ ˈnɩ?
2. ˗A ˈkä nɩkpa ˈylɩmöä mö ˈn ˗a ˈkʋa Biblë ˈcɩa a dɔˈwʋʋ, ˈtɛɲɩ a ˗bɛ yɩ libhï ˈwʋ ˈn ˗a käˈɛ ˗a ˈkä ˈyli yɔwʋ ˈtɛmanɩ.
A ˗nɩ ˗gänɩ Pɔɔlʋ ˈa gbäpöö
3. A nɩ muë ˈtɛɲɩ a ˗tɛɲɩɩ ˈmö ˈylɩmöä: A nɩ ˈyɩbhä bhʋlʋbhlʋ aɲɩ nimï: ‘N ˈkɔ ˈylɩmöä mö a dɔˈwʋʋ, ˈtɛɲɩ ˗mɛ nɛnɩ bhä ɔ dɔˈwʋ ˈnɩ? ˈTɛɲɩ ˗mɛ ˈmö ɔ ghlɩnɩ ɔ käˈmö ˈnɩ?’ A ˈnɩ aˈbhë ˈtɛɲɩ ˗kä ˗kë, a nɩ ˈtɛmanɩ ˈyli yɔwʋ a ˈkɔ ˈylɩmöä mö.
4. A nɩ ˈɲɔ ˈdɩ nɩɩ a yɩbhä a ˈkä ˈwʋ ˈsɔ yinɩ. A nɩ ˈzʋ ˈgïle a ˗dɩɛ, ˈklʋkpamö, ˗ɛɲɩ ˈmö a ˈkɔɔ ˈwʋ ˈsɔ ˈylɩmöä. ˈN a nɩ cɩ dlɩ ˈwʋ nɩɩ, a yi ˗tiamö yi.
5. A nɩ cɩ dlɩ ˈwʋ nɩɩ ˈylɩ ˗bhlʋ ˈmö, ˗lii yi ˗mä mö. A ˈnɔ zila ˈwuë mö ˗lɛ ˈɔ ˈligbë ˈmö ghlɩnɩ, ˈn ɔ ˈnɩˈɛ ˈkwädlɩ ˈtɛɲɩ ˗kä, a nɩ tɩ dlɩ ˈpä cuu nɩɩ, lagɔwɛlɩɩ a gbʋ ˈnɔɔ plɛnɩ. (1 Kol. 13:4, 7) Swɩ nɩ taɲɩ yɔwʋ ˈkunɩ, a nɩ gïganɩ sasɛ ˈa ˈtɛɲɩ ˈwlu, nzɩ a ˈkɔa ˗lɛ ghlɩnɩ.—1 Kol. 9:26.
A NƖ YƖLƖˈƐ ˗MÄ GBƐLƖ ˈLƐ ˈMÖ
Nʋn. 10:42; 1 Kol. 9:22, 23; 2 Kol. 4:1; Gal. 6:9