-A nɩ kä ˈslɛlɛ -mä -aa lagɔwɛlɩɩ bia libhoo ˈmö​—Nɩkpa -a ˈcɩaa Biblë, -a nɩ kwänuë sɛ wa ˈcɩɛɛ Biblë sasɛ, wa ˈkä -sɩbhä ˈmö ˈcɩɛ

ˈSaa kää ˈŋlɩ ˈn yɩ kää dɛsɛ: -Wa cɩɛɛ Biblë -kä wa ˈkä ˈyukusɛ mö lagɔwɛlɩɩ a dɔˈwʋ nʋ, wa kä wa ˈkä Biblë a tɛkäkïbhï wa ˈcɩɛ ˈwʋgbanɩ, sɛ nɩkpɛ liˈɛ lile, wa ˈkä -sɩbhä Lagɔ ˈa wɛlɩɩ -yɩ kää teɲii dɛsɛ ˈwlumö zʋ ˈn wa ˈkɩˈɛ dila zɛmö zʋ. (Eb. 5:⁠12–​6:⁠1) Nɩkpɛ ˈkä Biblë ˈcɩɛ a dɔˈwʋ, ɔ kä ɔ ˈkä ˈyli yɔwʋ ˈtɛmanɩ. Mii sɛɛ zɛmö nɩɩ, ˈsaa -a cɩɛɛ, -a kä -a ˈkʋ ˈsaa -a yi a-a ˈkɩ yɔwʋ kwänɩ, ˈn sɛ -a ˈkɩɛ -mä -aˈa zɩkpa ˈmö -gänɩɩ, -a ˈkä -sɩbhä yɩbhlɩnɩ. (Prov. 2:​1-6) Sɛ ɔ ˈkää ɔɲɩgäsɛ -lii sɛtɛlɩ ɔ -kä -sɩbhä ˈcɩɛɛ, ɔ bhɛnɩ ɔ ˈkä -aˈa lagɔbɔgwɩɩ ˈmö ghlɛnɩ nzɩ ɔ ˈkä nimïyɩbhäkïbhï -yɩ -glɛɛ Biblë ˈwʋ zɛmö -sɛ. Sɛ wa ˈtɛmanɩɛ teɲii ˈyli yɔwʋ wa ˈkä ˈsaa wa ˈcɩɛɛ -gänɩɩ, mii ˈkʋa kwänɩ nzɩ ˈklɩyɩyɛ -ɛ ˈkʋa zɩkö -mä wa klɩtɩɛzɩkpa ˈmö ghlɩɩ, wa ˈkɛ ˈwlu ˈplɩ.​—⁠Lwi. 6:​47, 48.