-a nɩ kä ˈslɛlɛ -mä -aa lagɔwɛlɩɩ bia libhoo ˈmö ghlɛnɩ videwii ˈmö -n ˈkä nɩkpa biblë ˈcɩa

ˈSAA KÄÄ ˈŊLƖ ˈN YƖ KÄÄ DƐSƐ:

Nɩkpa ylɛ wa ylɛɛ videwii ˈn wa -pʋnɩ yɛ ˈsaa yɩ sɛnɩɛ ˈmö ˈyukwli zaa, yɩ bhɛnɩ yɩ ˈkä ˈwa dila kɛ zɩ. Yɩ yi ˈŋlɩ -kä nɩkpa -yiɲɩ ˈyukwli -pʋnɩ ˈn wa ˈnaa ˈkä -pa ˈsaa -a ˈcʋa ˈwʋ dlʋ. Ylɛylɛlii a ˈmö ghlɛnɩghlɛnɛ -mä ˈcɩacɩʋ ˈmö, Zoova mɔɔ tiiɛ.​—Zt 10:9-16; ˈKl 1:1.

Videwii wa laa Dieu a-t-il un nom ?, Qui est lˈAuteur de la Bible ?, ˈn Comment être sûrs que la Bible vient de Dieu ? kwänɩɲɩ nzɩ -a ˈkä blosu ˈTɩtɩ a -tɩtɩɩ a ˈcɩɛcɩɛkïbhë 2 ˈn 3 sasɛ libho ˈmö nʋnɩ. Videwii ˈSaa kä bhä ˈŋlɩ ˈn a kä ɔ a ˈkä Biblë ˈcɩɛ ˈnɩ? , Sɛ Biblë a ˈcɩɛcɩʋ ˈplɩplɩnɩɔ ˈmö ˈnɩ? ˈn ˈSaa wa nʋ ɔ -mä Lagɔ ˈa ˈKämanɔɔ a -budu ˈmö ˈnɩ? pä nɩkpaa ˈwuë swɩ ɲɛmʋ ˈmö wa ˈkä Biblë ˈcɩɛ ˈn wa ˈkä -lɛ -aˈa ˈwluyɩbhädaa yi. -Aˈa videwii -mimii ˈbhʋɔ ˈmö, maa yɩ bhɛnɩ yɩ -kaɲɩ kwänɩ Biblë a ˈcɩacɩa dɔˈwʋ.—km 5/13 3.

SƐ -A ˈKÄÄ ZƲ:

• Video -n yɩbhää -n ˈkä ˈligbëlowli ˈylimö tulanɩ, -sʋʋ -mä ɛtɛnɛtɩ ˈklʋ

• Tɛlɩ nimïyɩbhäkibhë -bhlʋ ɛ -käˈɛ yɩ ˈsɔ -yɩɲɩ zɛmösɛna video ˈɲɛɛ, sɛ

• Video -n ˈkää -lɛ zʋ, a nɩ ylɛnuu ˈgämö

• A nɩ yɩlɩ wʋ dɛsɛkäkïbhï yɔwʋ

ˈZƲÄ -KA SƐƐ:

• -Aˈa kpɩ a -gömö, tulanɔɔ yɩbhlɩnɩda -a wʋä -lɛ ˈylimö nzɩ -n ˈkɔ ˈdɩ ˈɲɛ nɩɩ, ɔ ya ˈmö ghlɛnɩ ɔ yi video wa laa ˈSaa kä bhä ˈŋlɩ ˈn a kä ɔ a ˈkä Biblë ˈcɩɛ ˈnɩ? -sɛ

• Zʋ -lɛ video wa laa Comment être sûrs que la Bible vient de Dieu ? ˈn blosu ˈtɩtɩ a -tɩtɩɩ a ˈcɩɛcɩɛkïbhë 3 tulanɔɲɩ ˈylimö ˈwë -n ˈkɔɲɩ yɔwʋ tɩ