˗A ˈkä nɩkpa Biblë ˈcɩa a videwi

˗Mä lagɔwɛlɩbiabɛyɩ, ˗a kä videwi ˗mʋäna ˗a ghlɛnɩɛ ˈmö. ˗Yɩ kä ɔ ˈŋlɩ ˈn wa yi ɔ videwi ˈla ˗bhɛ ˈnɩ?

• 

  ˈSaa kä bhä ˈŋlɩ ˈn a kä ɔ a ˈkä Biblë ˈcɩɛ ˈnɩ? ˗Wʋ ˈbhʋɔ ˈmö: Video ˈlɛ ˈkä nɩkpa kwänɩ nzɩ wa ˈkä Biblë ˈcɩɛ nza wa ˗bhɛ video ˈlɛ. Lagɔgligbë ˗ma wa yi ˈmö ˗wʋ ˗kë, wʋ ˈkʋa kwänɩ wa ˈkä kïbhï wa ˈyɩbhänɩɛ waɲɩ ˈwʋ a zɛmösɛna ˗mä Biblë ˈmö ghlɩ. ˗N ˗kä ˈyɩbhä ˗n ˈkä Biblë ˈcɩɛ a sɛ ˗n ˈkää ˈzʋ, ˈmö video ˈlɛ sɛsɛnɩɛ ˈmö.

• 

  ˈSaa kä bhä ˈŋlɩ ˈn a kä ɔ a ˈkä Biblë ˈcɩɛ ˈnɩ? (˗wʋä ˈmö ˈbhʋɔ): Video ˈlɛ ˗ɲɛ ˗wʋ ˈbhʋɔ ˈmö ˈsɔ, ˗bhʋlʋ yɩ glɩnɩɛ. Maa video ˗wʋ ˈbhʋɔ ˈmö, ˈmö wa dlinɩɛ ˈpɩɩ ta ˈmö, ˗mä videoke ˈlɛ ˈbhöönɩɛ. Nɩkpa ˗waaa ˈtɛɲɩ ˗kä ˗mä lagɔwɛlɩbiabɛyɩ, wa ˗nʋ mʋä.

• 

  Sɛ Biblë a ˈcɩɛcɩʋ ˈplɩplɩnɩɔ ˈmö ˈnɩ?: Video ˈlɛ ˈkä nɩkpa ˗mä ˈsunɩ nzɩ wa ˈkä Biblë ˈcɩɛ, ˈn sɛɛ Biblë a ˈcɩɛcɩʋ ˈplɩplɩnɩɛ ˈmö, ˈn ˗ɔ yɩbhäˈɛ ɔ ˈkä Biblë a sɛ ɔ ˈkää ˈzʋ, ˈmö wʋ sʋlʋnɩɛ.

• 

  ˗Ayo sɛɛ ˗n ŋluä Biblë a ˈcɩɛcɩʋ ˈwʋ a za: Video ˈlɛ, ˗wa ŋluä ˈwʋ wa ˈkä Biblë ˈcɩɛ ˈn wa yiɛ ɛ ˈcɩɛcɩʋ tɛɛ, ˈmö wa tulanuä ˈylimö. ˈBɔgʋʋ, A nɩ ˗bhölɩ ˈkwädlɩnɩ! a kpʋ ˈsɔ ˈklʋ, ˗a ˗kä ˗lɛ ˈcɩɛnɩ dɔˈwʋ ˗wʋ, ˗lɛ wa tula video ˈlɛ. Maa, ˗a ˗käˈɛ blosu, A nɩ ˗bhölɩ ˈkwädlɩnɩ! ˈmö ˈcɩanɩ dɔˈwʋ ˗wʋ, ˗a bhɛnɩˈɛ ˗a ˈkä video ˈlɛ tula. ˈBɔgʋ ˈla ˈmö a ˈcɩɛcɩɛkïbhï ˈn ˈsaa a ˈkää yɔwʋ yɩlɩ ˈmö wʋ sɛsɛnɩɛ ˈmö.

Videwi ˈlɛ kä bhʋlʋbhlʋ dɛsɛ nza wa ˗bhɩɛ. Zaa, ˗a bhɛnɩ ˗a ˈkɩ nɩkpa ˈylimö tulanɩ, ˗a bhɛnɩˈɛ ˗a ˈkʋäɲɩ ˈyio ˈwʋ ˈpä. Lagɔwɛlɩbiawaa kä wa ˈkɩ ˗yi, ˈn wa ˈkäˈɛ wa ˈkɩ sasɛ ˈmö ghlɛnɩ ˗mä ˈwa lagɔwɛlɩbialibhoo ˈmö.