-N nʋnɩ ɔ JW.ORG kpʋke -wʋɲɩ ˈklʋ -aˈa ɛtɛnɛtɩ a dlɛsɩ -wʋä sasɛ libho ˈmö -a?

ˈKlɩyɩyɛ ˈkädɛ -ɛ -wʋä yi dɔˈwʋ a za, -a nɩ ˈpäpanɩ ˈwʋ -a ˈkä lagɔwɛlɩɩ bia. (Pr 24:11, 12, 20) -A ˈkä nɩkpa kwänɩ a dɔˈwʋ, -a bhɛnɩ -a ˈkä kpʋke -wʋɲɩ ˈklʋ -aˈa ɛtɛnɛtɩ a dlɛsɩ -wʋä ˈmö ghlɛnɩ nzɩ -a ˈkʋa kwänɩ wa ˈkä Lagɔ ˈa wɛlɩɩ yɩbhlɩnɩ ˈn wa ˈkä -aˈa ɛtɛnɛtɩ a dlɛsɩ ˈklʋ mö. -Lɛ kpʋke ˈla ˈklʋ yɩbhlɩnɩdɛ -wʋ -lɛ. Mɛɛ ˈkʋaa kwänɩ wa ˈkä video wa laa ˈSaa kä bhä ˈŋlɩ ˈn a kä ɔ a ˈkä Biblë ˈcɩɛ ˈnɩ? ˈn ɛ yiˈɛ ˈŋlɩ -kä, wa yi -lii a -bɛ yɩbhlɩnɩ ˈn wa -käˈɛ yɩbhää, wa ˈkä Biblë ˈcɩɛ. -A -kä nɩkpa -mumuë lagɔbɔgwɩ ˈɲɛ, nimï wa sɩɛ, maa wa bhɩɔ ˈmö wa ˈkä -aˈa ɛtɛnɛtɩ a dlɛsɩ ˈklʋ mö. -A -kä -sɩbhä -a -nʋa ghlɩ, -a nɩ ˈɲʋa kpʋke -wʋɲɩ ˈklʋ -aˈa ɛtɛnɛtɩ a dlɛsɩ -wʋä. Maa, -muë -aˈa lagɔwɛlɩɩ ˈnɩɛ dlɩ yɔwʋ nɛnɩ, -a nɩ ˈtuëɲɩ ˈɲɛ.

-N -kä libho ˈmö mö dɔˈwʋ -wʋ ɛ -käˈɛ käbölu -n -kä nʋ dɔˈwʋ -wʋ, -n -kä nɩkpɛ ˈylɩmö, -n bhɛnɩ -n ˈkä nɩɩ: “N -su dɛˈɛ -lu -bhlʋ, n yɩbhä n -kamu ˈɲɛ. Kpʋke ˈlɛ -yimö kwänɩ -n yi ɛtɛnɛtɩ a dlɛsɩ -bhlʋ ˈklʋ mö, n yi -mä videwii -ɲɛ ˈtɩtɩ -mimii ˈsɔ -mä ghlɩnɩ, -n ˈnaa ˈkä -lu ˈpɛnɩ.” (Zh 4:7) Kpʋke ˈla ˈnɩɛ ˈghïli zaa, -n bhɛnɩ -n ˈka ˈkwädlɩ -mimii -su nzɩ -n -kä nɩkpɛ ghlɩ, -n ˈkɔɲɩ ˈɲɛ.