-A nɩ kä ˈslɛlɛ -mä -aˈa lagɔwɛlɩbialibhoo ˈmö: Sɛɛ -a ˈkää -mä JW.ORG ˈklʋ sasɛ tɛlɩ

ˈSAA KÄÄ ˈŊLƖ ˈN YƖ KÄÄ DƐSƐ: ˈBɔgwɩɩ ˈwuë -a ˈcɩanɩɛ ˈmö, jw.org ˈmö yɩ -glɛ ˈwʋ. Ɛtɛnɛtɩ ˈklʋ a kpʋke, ˈn kpʋ -wʋ nʋä Pɩwʋ a dɛsɛkäkïbhï a zɛmösɛna, dɛ -a ˈkɩ ɔ ghlɩ ˈnɩ? yɩ ˈkä nɩkpa -aˈa ɛtɛnɛtɩ a dlɛsɩ ˈpänɩ, nzɩ wa ˈkä -mä mö a za wa -bhɩɛ. -A bhɛnɩ -a ˈkä jw.org ˈmö ghlɛnɩ -a ˈkä ˈbɔgwɩɩ -a ˈcɩanɩɛ ˈmö nɩkpa ˈɲɛ. -A bhɛnɩˈɛ -a ˈkɩ ˈmö ghlɛnɩ nzɩ -a ˈkä -mɔmɔɔ -ɔ gbää käbögbʋ lagɔwɛlɩɩ ˈɲɛ. Maa, wa bhɛnɩ wa -kaɲɩ ˈkïbhï ˈwʋ ˈyɩbhänɩ -yɩɲɩ zɛmösɛna ˈnɩɛ -mä -aˈa ˈbɔgwɩɩ -a ˈcɩanɩɛ ˈmö, ˈmö -wʋ. Zaa, -a -kä -mä ɛtɛnɛtɩ ˈklʋ sɛ tɛlɩ ˈyize, yɩ -yiɲɩ teɲii kwänɩ -mä -aˈa lagɔwɛlɩbialibhoo ˈmö.

SƐ -A ˈKÄÄ ZƲ:

• 

  Dɛɛ wa ˈzʋä “LA BIBLE ET VOUS” pɩɛnɩ -lɛ ˈwʋ. ˈN nɩkpɛ -kä nɩɩ sʋlʋnɔɔ sɛ ɔ ˈkää ˈɔ yuëa -su, yɩlɩ dɛ wa ˈzʋä LA BIBLE ET VOUS > COUPLES & FAMILLES.

• Dɛɛ wa ˈzʋä “LAGƆBƆGWƖƖ” pɩɛnɩ -lɛ ˈwʋ. -N -wʋ -kamä -na ˈbhɩa lagɔwɛlɩɩ ˈɲɛ dɔˈwʋ -mä -suku ˈmö, ˈn -n yɩbhä -n ˈkä -mɔmɔɔ blosu ˈɲɛ, wa laa Nimïyɩbhäkïbhï 10 dɩgbö ˈyɩbhänɩɛ waɲɩ ˈwʋ a zɛmösɛna. Yɩlɩ dɛ wa ˈzʋä LAGƆBƆGWƖƖ > ˈBƆGWƖ & BLOSWI.

• Dɛɛ wa ˈzʋä “QUI SOMMES-​NOUS?” pɩɛnɩ -lɛ ˈwʋ. ˈSaa -a kää dlɩ ˈwʋ, -aˈa libhoo ˈmö a -nɔ -bhlʋ yɩbhä -kamä ɔ ˈkɩ ˈtikïyie ˈwʋ ˈmö zɛlɩ, nzɩ ɔ ˈkɩ ˈmö ˈnʋ. Yɩlɩ dɛ wa ˈzʋä QUI SOMMES-​NOUS > QUESTIONS FRÉQUENTES.

A NƖ YLƐ VIDEO WA LAA SƐƐ -A ˈKÄÄ -MÄ JW.ORG ˈKLƲ SASƐ TƐLƖ, ˈN SƐ A ˈKÄÄ -MÄ ƐTƐNƐTƖ ˈKLƲ MÖ NZƖ A ˈKÄ NƖKPA KWÄNƖ, A NƖ YƖLII YƆWƲ:

• -ɔ ˈniɛ dlɩ ˈwʋ -kä nɩɩ Lagɔ -bhölɩ

• nɩkpɛ a -mɔ -lizoku ghlɩɛ

• lagɔdaayu -ɔɔɔ lagɔwɛlɩɩ bia -këë cwɩ gbʋplʋ yiɛ ˈplɩ

• -mɔ -a möä ˈylɩmöä, -kä nɩɩ dɛ -a sɛ ɔ moni ˈn -a nʋ ɔ -aˈa lagɔlibhoo

• bhlɩ -mɛmɛɛ ˈmö a nɩkpɛ -kä nɩɩ, ɔ ˈkä ˈwluyɩbhäyɩbhʋ ˈwʋ mö, -mä ˈɔ ˈbɛyɩ