-A nɩ kä ˈslɛlɛ -mä -aˈa lagɔwɛlɩɩ bia libhoo ˈmö​—-A nɩ ghlɛnɩ ˈbɔgʋʋ wa laa « Gardez-vous dans l’amour de Dieu » ˈmö -a ˈkä nɩkpa ˈa dila kɛ zɩ

ˈSAA KÄÄ ˈŊLƖ ˈN YƖ KÄÄ DƐSƐ: Nɩkpa ˈwuë kä wa ˈkä Zoova ˈa ˈpäpägböö -yi nzɩ wa ˈki -gänɩ, -lɛ a dɔˈwʋ ɔ yi ˈwa bʋbɔbʋbʋ ˈwʋ ŋlu. (Is 2:3, 4) -Aˈa ˈbɔgʋʋ a ˈsɔnʋ -a ˈcɩanɩɛ ˈmö, wa laa « Gardez-vous dans l’amour de Dieu », muu ˈkää -a ˈcɩaa Biblë kwänɩ, nzɩ sɛ wa ˈkää Lagɔ ˈa ˈpäpägböö -mä ˈwa zɩkpaa ˈmö -gänɩ, wa ˈkɩ yɩbhlɩnɩ. (Eb 5:14) ˈN -a -kä nɩɩ nɩkpa -a ˈcɩaa Biblë ˈkä ˈmö zigbonɩ nʋʋ, -a nɩ tɛlɩ sɛ -a ˈkä ˈwa dilaa kɛ zɩ.​—Gh 6:17.

SƐ -A ˈKÄÄ ZƲ:

• Sɛ -n ˈkää sasɛ -n ˈcɩaa Biblë kwänɩ, -n –kä -naɲɩ ˈwlu gïganɩ dɔˈwʋ -wʋ, ˈpäni dlɩ kɛ. Kïbhï -n ˈkɔɔ ˈwʋ ˈyɩbhänɩ, -yɩ -kamöä kwänɩ -n ˈkä sɛ ɔ pää dlɩ -yi, tɛlii sɛ.​—Pr 20:5; be-F 259

• -N -kä ˈcɩa dɔˈwʋ -wʋ, ˈbɔgʋʋ ˈmö a -lii -yɩ -wʋä -mä -ziple ˈmö, a nɩ yɩlɩ yɔwʋ. Nzɩ ɔ ˈkä sɛ ɔ kɩɩ ˈmö nɛmönɩ ˈn yɩ kää ɔ -li a -lii ˈmö ˈylɩmö

• -Lii -yɩɲɩ dɔˈwʋ Biblë ˈnɩ -dɩɛ gbʋ, kwänɩ -n ˈcɩa ɔ ˈkä ˈɔ ˈmlɩwʋnuëyii ˈmö ghlɛnɩ nzɩ ɔ ˈkä ˈsaa ɔ ˈkää nʋ -yi. Maa, -nmö nɩ tɔ ˈsaa ɔ ˈkää nʋ sʋlʋnɩ.​—Ga 6:5

• -N ˈcɩaa ˈkä Biblë ˈa ˈpäpägböö ˈklʋkpamö zʋ a dɔˈwʋ, kwänɔ nɛgösɛ. Ɔ sɛ ɔ kää Zoova a -wawʋ dlɩ zɛmö a za, ˈpɔ swɩ ɲɛmʋ ˈmö ɔ ˈkä ˈmö zigbonɩ.​—Pr 27:11; Zh 14:31