ˈNɛɛnɔɔ ˗wʋ ˗kamöä zila ˈwuë ˈmö ˗su tɛlu sɛ ˗mä JW.ORG ˈklʋ

˗Mä ˈɔ wɛlɩɩ ˈmö, Lagɔ ɲɩaɲɩ ˗lii ˈwuë ˗yɩ ˗kaɲɩɛ kwänɩ nzɩ ˗a ˈkä ˗aˈa kii ˗a ˗wʋä ˈmö ˈwlu ˈplɩ, ˈpɩwʋ a ˈylibhɩɛtɛɲɩ ˈlɛ ˈmö. (2 Ti 3:1, 16, 17) ˈTɛɲɩ ˗mɛmɛɛ ˈmö, Biblë a ˈpäpägböö ˗a ˈkää ˗gänɩ nzɩ yɩ ˗kaɲɩ kwänɩ ˗mä ˗lii ˗mimii ˈmö a dɔˈwʋ, ˗a kä ˗a ˈkɩ sɛ tɛlɩ. A yɩɛ, a ˗kä ˗kamä ˈyuëlowluwa glɩnɩ, a yɩbhä ɔ a ˈkä ˈdɩmözʋwɛlɩɩ ghlɩ yɩ ˈkaɲɩɛ kwänɩ a ˈkä ˈa yuëa ˈbhʋa ˗a? Abhʋa ˗dɩgbö, ˗lii a ˗mi ˈkaɲɩɛ ˗mä ˈsunɩ a ˈkä Lagɔ ˗gömö panɩ, ˈmö a ˗wʋ ɔ ˗kamä ˈmö ˗a? ˗Naˈa ŋlɔ ɛ ˗käˈɛ ˗na ˈluwli a ˈkwie a za, dlɩɩ ˗wʋmö ɔ ˈmlɩ ylinɩ dɔˈwʋ ˗a? ˗Mä jw.org ˈklʋ, ˗lii ˗yɩ glɛ Biblë ’a ˈpäpägböö ˈwʋ, ˗yɩ ˈkaɲɩɛ kwänɩ a ˗kä ˗sɩbhä a ˈki ˈmö ˗wʋ ˈn ˗lii mimii ˈyɛ, a yi ˗mä ghlɩ.—Pr 2:3-6.

Tɛkäkpʋ ˈklʋ a dɛɛ wa ˈzʋä ˈSAA BIBLË ˈCƖA, a nɩ pɩɛnɩ ˗lɛ ˈwʋ. (Yɩlɩ ˗lɛ Foto 1 ˈklʋ.) A ˗kä ˗mä plɛ, ˈsaa a yɩbhää a da, a nɩ pɩɛnɩ ˗lɛ ˈwʋ. A ˗käˈɛ ˗waa, dɛɛ wa ˈcɛlɩɛ DƐƐ ˗LII ˗YƖ ˈWLUÄ ZƐMÖ ˗WƲÄ, a nɩ pɩɛnɩ ˗lɛ ˈwʋ a ˈkä kïbhëa a yɩbhää ˗lɛ ˗sɛ. (Yɩlɩ ˗lɛ Foto 2 ˈklʋ.) ˗Sɩbhä a ˗lii ˗wʋˈɛ ˗mä JW Library^®.a A ˗kä ˗mä möö, kïbhï a yɩbhää, a bhɛnɩˈɛ a ˈkɩ ˗mä ghlɩ. ˗Mä jw.org ˈklʋ a dɛ wa ˈzʋä sɛtɛlɩtɛlɛ, a bhɛnɩ a ˈkä kïbhëa a yɩbhää ˗lɛ ˈzʋ.

Dɛɛ wa ˈzʋä sɛtɛlɩtɛlɛ, ˈcɛlɩ ˗lɛ kïbhï ˗yɩ ˗gä dɛˈɛ ˈyuku nzɩ kïbhï a yɩbhä a ˈkä ˈmö zɛlɩ a ˈkɩ ˈbɔgʋ ˈmö ˈzʋ.

• Sɛ a ˈkää ˈa yuëa ˈbhʋa

• ˗Dɩgbö ˗wa ˗wʋä ˈwlumöɲimosɛ

• ˗Naˈa ŋlɔ ɛ ˗käˈɛ ˗na ˈluwli a kwie