ˈŊwlɩ ˈkädɩɩ, ˈlibhuë -na -dawa ˈmö ˈwʋ, ŋlʋdɩgbö, ˈlibhuë -na -daayuë ˈmö ˈwʋ

Biblë lɛ nɩɩ, Klɩtɩɛwaa -wa yɛɛ gɔɔ, -a nɩ ˈlibhuë -aa -dawa -ɲɛ -aa dɩbawa ˈsɔ a sɛ ˈwʋ. ˈN -dɩgbö, -a nɩ ˈlibhuë -aa -daayuë a sɛ ˈwʋ. (Zɛlɩ 1 Timotee 5:1, 2 ˈmö.) Ɲɩbhɛlɩdaayuëa, wa kä wa ˈkä ŋlʋdaayuëa ˈklukpamö ˈzʋ.

Ɲɩbhɛlɩdaayuëa, ˈnɩɛ -kä wa ˈkä waɲɩ ŋlʋdaayuëa ˈmö ˈbhɛta. Waˈaa ˈyɛ -kä wa ˈkä -lii nʋ, -yɩ ˈkʋaa zʋ ˈlɩbhanɩ. (Jb 31:1) Ɲɩbhɛlʋdaayu ɔˈɔɔ ˈŋlɔ -kä, ˈnɩɛ -kä ɔ ˈkä ˈfʋ ŋlʋdaayu ɔˈɔɔ ghlɩ -wʋ dlɩ ˈwʋ ˈtɛmanɩ. Miɛ nɩɩ, ɔˈɔɔ -kä ɔ ˈkä -lii nʋ -yɩ ˈkää ŋlʋdaayu -mä ˈsunɩ, ɔ ˈkä dlɩ ˈpä nɩɩ ɲɩbhɛlʋdaayu ˈla yɩbhä ɔ ˈkɔ bhibhe.

Ŋlʋdaayuëa, wa -kä ˈyukugänɩwaa ˈkïbhë ˈwʋ ˈyɩbhänɩ, wa -käˈɛ -lu -mumuu a wɛlɩɩ bhïlaa, ˈyukugänɩwaa kä wa ˈkʋa ˈtɩɩ ˈyukwli -pʋnɩ. Ŋlʋdaayuëa -waaa ˈluwluwa -kä, sɛɛ waˈaa ˈwʋgwɩɲɔ -kä a za, wa gbʋ kä wʋ ˈkä ˈyukugänɩwaa plɛnɩ.—Ru 2:8, 9.

A NƖ YLƐ VIDEO, -A NƖ -WA ˈKWÄDLƖ LAGƆDAAYUËA ˈWUË: ˈKUZLEŊWLƖƖ -ƝƐ KWƖYUËA ˈSƆ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Sɛɛ lagɔzɩkpaa ˈmö a -nʋa tula ɔ nɩɩ, wa -wa teɲii -daayu Mayitɩ ˈnɩ?

• 

  Sɛɛ lagɔzɩkpaa ˈmö a -nʋa tula a-a nɩɩ, wa -wa -daayu Mayitɩ, sɛ yɩ ˈghlimanɩ ɔ Lagɔ ˈa ŋlɩɩ ˈnɩ?

• 

  -Wawʋ lagɔzɩkpaa ˈmö a -nʋa tulaa, ˈsaa wʋ nʋ ɔ Mayitɩ ˈa ŋlʋyuëa ˈwlu ˈnɩ?

Sɛɛ -n bhɛnɩ ɔ -n ˈkä tula nɩɩ ŋlʋdaayuëa -wa -wʋä -mä -naˈa lagɔzɩkpaa ˈmö, wa gbʋ plɛnɩmö ˈnɩ?