Sɛɛ -aa ŋlʋdaayuë bhɛnɩ ɔ wa ˈkä ˈwa lagɔlibhoo ˈwʋ gbanɩ ˈnɩ?

-Aa ŋlʋdaayuë, wa nʋmö lagɔlibhi ˈki a -bɛ ˈmö. (Ps 68:11) Wa ˈcɩa nɩkpa a -bɛ Biblë. ˈN -mä ˈkwädlɩ a ˈyiosɛwaa glaˈmö, ŋwlɩɩ mʋa -zuä teɲii. -Aa ŋlʋdaayuë a mila a -bɛ -wa ˈtɛɛ ˈyli yɔwʋ, wa glaˈmö a -nʋa a -bɛ nʋ -mä Betɛlɩ libho, -mumuë nʋ misiɔnɛlibhoo, -mumuë nʋmö -bïdisɩbhälibhoo, ˈn -mumuë ˈcɛlɩnɩ lagɔbɔgwɩ gbɩ -mimii ˈmö. Ŋlʋdaayuëa -wa yɛɛ -mä lagɔwɛlɩɩ ˈmö -jɩbhɛnɩ, wa pä ˈwa ˈligbë ˈmö a -nʋa swɩ ɲɛmʋ ˈmö, ˈn wa päˈɛ lagɔzɩkpa ˈmö a -nʋa swɩ ɲɛmʋ ˈmö. (Pr 14:1) Ŋlʋdaayuëa ˈnɩɛ bhɛnɩ wa ˈkä ˈyukugänɩwa ˈzʋ ˈn wa ˈkäˈɛ ˈyukugänɩwa a ˈyliwʋwa ˈzʋ abhlɩ, maa wa bhɛnɩ wa ˈkä -lii -mimii -lɛ -sɛ wa ˈkää nʋ, -mä lagɔzɩkpa ˈmö. Sɛɛ ŋlʋdaayu bhɛnɩ bhä ɔ ˈkä ˈɔ lagɔlibhoo ˈwʋ gbanɩ ˈnɩ?

• ˈƆ -wʋwʋsaa nɩ tula nɩɩ, Klɩtɩɛŋlɔɔ ɔ glɩnɩɛ -tiamö.​—1Ti 3:11; 1P 3:3-6

• Ɔ bhɛnɩ ɔ ˈkä ŋlʋdaayuë -mumuë kwänɩ, -waaa -mä lagɔwɛlɩɩ ˈmö ˈylɩ yɔwʋ ˈtɛɛ.​—Ti 2:3-5

• -Mä lagɔwɛlɩbiabɛyɩ, ɔ bhɛnɩ ɔ ˈkä -mä ˈtɛɲɩ -a -bɛ -sɛ, ˈn ɔ bhɛnɩˈɛ ɔ ˈkä ˈslɛlɛsɛ lagɔwɛlɩɩ bia.

• Ɔ bhɛnɩ ɔ ˈkä gbʋ -mumuu ˈcɩɛ.

• Ɔ bhɛnɩ ɔ ˈkä mää lagɔwɛlɩbiawa ˈnɩɛ -zu mö.

• Ɔ bhɛnɩ ɔ ˈkä ˈbɔgʋ ˈcɛlɩ nzɩ ɔ ˈkä -mä Betɛlɩ mö, ˈn ɔ ˈkäˈɛ lagɔbïdi a ˈsɩbhäsɩbhʋ a libhoo nʋmö.

• Ɔ bhɛnɩ ɔ ˈkä ˈbɔgʋ ˈcɛlɩ nzɩ ɔ ˈkä -wa biaa Lagɔ ˈa ˈKämanɔɔ a wɛlɩɩ a -suku plɛmö.

A NƖ YLƐ VIDEO, ŊWLƖƖ -WA NƲÄ TEƝII -ALOWLI ˈA LIBHOO, ˈN A NƖ YƖLƖ NIMÏYƖBHÄKÏBHË ˈLƐ YƆWƲ:

• -Aa ŋlʋdaayuë ˈa wɛlɩɩ wa -sɛnɩɛ ˈmö, sɛ yɩ ˈpaɲɩ ɔ bhʋlʋbhlʋ swɩ ɲɛmʋ ˈmö ˈnɩ?