-A nɩ kwänɩ -muë -a ˈcɩaa Biblë wa ˈkä nɩkpazokuu gwë ˈdionɩ

-Muë -wʋä Biblë ˈcɩɛ dɔˈwʋ, wa kä wa ˈkä bhɛya a -bhɛya -lɛ -sɛ, nzɩ wa ˈkä Zoova a bheyi ˈzʋ. (Ps 15:1, 4) Bhɛya a -bhɛya ˈla, mʋa ˈkʋaa -mä ˈsunɩ nzɩ wa ˈkä ˈsaa nɛnɩɛ nʋ.—Pr 13:20; lff ˈcɩɛcɩɛkïbhë 48.

-Muë -a ˈcɩaa Biblë ˈkä nɩkpazokuu gwë ˈdionɩ a za, -a -kʋa kwänɩɛ yi, -a nɩ ˈzʋ -aɲɩ wa ˈbhle ˈmö. Wa ˈkä ˈwa bhlaˈmö a bhɛya gwë dionɩ bhɛnɩ yɩ ˈkʋa kɛˈmö ˈtɛɛnɩ. Zaa zila -yɩɲɩ ˈmö -a -ɲʋa ˈsɔ ˈnɩɛ Biblë ˈcɩɛ, -a bhɛnɩ -a ˈkʋa -ŋöŋöyukwli ˈmö a ˈbɔgʋ ˈwʋ ˈpä, -a ˈkʋa wäzɩ, -a ˈkʋa ˈyɛ ˈylɩmöä mö. Wa -kä -mä lagɔwɛlɩɩ ˈmö ˈyukusɛ möö, lagɔzɩkpa ˈmö a -nʋa -kä ˈbhlie yii, -a nɩ wäzuë wa ˈkä -lɛ -wʋmö. -Lɛ a dɔˈwʋ, wa yi sɛ -yi nɩɩ, ˈsaa wa ghlɩɛ -zu yɩ ˈkä ˈsaa wa -sɛɛ kɛˈmö ˈwʋ zi. (Mk 10:29, 30) Sɛɛ Zoova a -nʋa zumanɩɛ a za, yɩ -yimöˈɛ -na a ˈmäna dlɩ zɛmö ˈzʋ.

A NƖ YLƐ VIDEO, -MUË -N ˈCƖAA BIBLË KWÄNUË: WA ˈKÄ NƖKPAZOKUU GWË ˈDIONƖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• ˈSaa wa la ɔ nɩkpazoku a ˈwʋ-bhlinɩbhlinɛ ˈnɩ?—1Kɔ 15:33

• -Tlɛŋwanɩ ˈa dɔˈwʋ, Klɩtɩɛwaa -kä ˈwlu ˈyɩbhää, sɛɛ wa bhli ɔ ˈnɩ?

• Sɛɛ Neta kwänɩ ɔ -Tlɛŋwanɩ, ˈn ɔ yi ɔ nɩkpazokuu gwë ˈdionɩ ˈnɩ?