-A nɩ bhibhe Zoova ɔ -kaɲɩ kwänɩ

Sɛɛ lileyʋ miˈɛ ˈn wʋ pʋˈɛ, sɛ -bhlʋ -kpɔ ˈla, -sɩbhä Zoova gbää ˈn gbëawɛlɩɩ plɛɛ nɩkpɛ dlɩ zɛmö, ˈn ɔ möä ˈyukusɛ. (1Kɔ 3:6-9) Zaa -aˈa lagɔwɛlɩbialibhoo ˈkä nɛnɩmanɩ a dɔˈwʋ, Zoova mö -a kää -a ˈkä dlɩ ˈtɛɛnɩ ɔ -kaɲɩ kwänɩ, ˈn ɔ ˈkäˈɛ -mɔ -a ˈcɩaa Biblë kwänɩ.

-A nɩ bhibhe Zoova ɔ ˈkä -muë -a ˈcɩaa Biblë kwänɩ, nzɩ wa ˈkä -mäpäpʋ -ɲɛ -lii -yɩ ˈtɛɛnʋa kɛˈmö ˈsɔ ˈwlu ˈplɩ. (Fil 1:9, 10) -A -kä bhibhee, ˈsaa -a yɩbhää daˈa ˈtɩɩ, mö -a nɩ -dɩ ˈŋlɩ. -A nɩ bhibhe Lagɔ ɔ -kaɲɩ ˈɔ ˈwugɔmʋʋ ˈɲɛ, wʋ -kaɲɩ -su, -mä -aˈa nʋnʋlii ˈmö ˈn -mä -aˈa dlɩpäsaa ˈmö. (Lk 11:13) -Mɔ -a ˈcɩaa Biblë, -a nɩ sʋlʋnɔɔ sɛ ɔ ˈkää bhibhee, ˈn -a nɩ ˈpɔ swɩ ɲɛmʋ ˈmö ɔ ˈkä -sɩbhä ˈzʋ. -Mɔ -a ˈcɩaa Biblë, -a -ɲɔ ˈsɔ, -a nɩ bhibhenɩ ˈgämö, -a nɩ bhibhe ɔ za, ˈn -a nɩ -dɩ ˈɔ ŋlɩɩ ˈŋlɩ.

A NƖ YLƐ VIDEO, NƖKPA -KÄ ZEZWII A -NƲA ˈZƲ A ˈMÄNA YƖ KÄÄ ˈMÖ, -A NƖ GHLƖMAA: -A NƖ ŊLU ˈWƲ ZOOVA -KAƝƖ KWÄNƖ: BHIBHËBHIBHIUU, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Neta -wʋ a-a -Tlɛŋwanɩ Biblë ˈcɩaa dɔˈwʋ, ˈsaa ˈtɛɛnɔ a-a bhä kɛˈmö ˈnɩ?

• Sɛɛ 1 Kɔlɛɛtɩ 3:6 kwänɩ ɔ Neta ˈnɩ?

• ˈSaa ˈtɛɛnɩ a-a Neta kɛˈmö, sɛ ɔ ˈplɩ ɔ ˈwlu ˈnɩ?