ˈCƖƐCƖƐKÏBHË 15

-N -kä bhïla dɔˈwʋ -wʋ, tula nɩɩ ˈsaa -n -sɛnɩɛ ˈmö -naˈbhë -n kɩ dlɩ ˈwʋ

1 Tesaloniikö 1:5

ˈSAA -N ˈKÄÄ NƲ: Tula nɩɩ, -naˈa wɛlɩɩ -n bhïlaa, gbëawɛlɩɛ ˈn yɩ kä dɛsɛ.

Gïganɩ sasɛ -naɲɩ ˈwlu. ˈSaa -n ˈkää bhïla ˈcɩɩ sasɛ -këë, -n ˈkä yɩ ˈmö a dɛsɛkäkïbhï ˈmö ˈnʋ, nzɩ sɛɛ Biblë tulaa nɩɩ gbëaa yɩ kää ˈmö, -n ˈkɩ ˈylɩmö. Dɛsɛkäkïbhï -n -kii zɛmö -sɛɛ yi, sɛ wa bhɛnɩɛ wa ˈkɩ -pa ˈmö ˈnʋʋ, bhïla -sɩbhä. Sɛ yɩ ˈkää ˈyukwlipʋnɩwaa kwänɩ, ˈmö -n nɩ ˈpä dlɩ ˈwʋ. Bhibhe Lagɔ ɔ -kamö ˈɔ ˈwugɔmʋʋ ˈɲɛ.

-Naˈa bhïlabhuluu a za, -n -kä -naɲɩ ˈwlu gïganɩ dɔˈwʋ -wʋ, ˈpä wɛlɩɩ ghäyɩ -n ˈkä bhïla ˈyize. -Lɛ a dɔˈwʋ, -n yu sasɛ ˈwlumö ˈzʋ ˈn -naˈa bhïlabhuluu yi nɛnɩmanɩ.
Wɛlɩkïbhï -yɩ ˈkää tula nɩɩ -n-kä ˈsaa -n -sɛnɩ ˈmö dlɩ ˈwʋ, ghlɛnii ˈmö. ˈBɔgʋʋ -n -suä a ˈyize ˈmö -n nɩ tɩ ˈmö zɛlɩ cuu, maa -naɲɩgäsɛ a sɛ -n bhɛnɩɛ -n ˈkä gbä, ghlɛnii ˈmö. Sɛɛ -n ˈkää bhïla nzɩ -n ˈkä tula nɩɩ ˈsaa -n bhïla, -naˈbhë -n kɩ dlɩ ˈwʋ, bhïla -sɩbhä.
Sɛɛ -n ˈkää bhïla wa ˈkä -naˈa wɛlɩɩ dlɩ ˈtɛɛnɩ, bhïla -sɩbhä. -N -kä bhïla dɔˈwʋ -wʋ, sɛ wa ˈkää ˈnʋ, bhïla -sɩbhä. Yɩ -kä ˈklʋkpamö -kä, yɩlɩ ˈyukwlipʋnɩwa ˈklʋ -n ˈkä ˈmö -sɛnɩ.

-N ˈkä bhïla wa ˈkä -naˈa wɛlɩɩ dlɩ ˈwʋ -kä a za, tɩ ˈyukwlipʋnɩwa wɛlɩzoku bhïlanɩ. Maa, bhïlanɩ -wawʋ ˈmö.