Masmur
Lagu si iban Daud.
2 CidahkenNa kekelengenNa si setia man bangku janah Ia kap bentengku,
Ia kap inganku erlindung* si aman ras si nelamatken aku,
Perisaiku* bage pe inganku cicio,+
Iban Dibata bangsa-bangsa patuh man bangku.+
3 O Jahwe, kai kin manusia e maka nenNdu ia,
Kai kin manusia e maka perdiatekenNdu ia?+
6 Ban min reh kilapNdu gelah merap musuh-musuh,+
Pulahi min anak-anak panahNdu janah ban kalak e bingung.+
7 Dudurken min tanNdu arah datas nari,
Selamatken min aku arah laut si ergelombang,
Selamatken min aku arah tan kalak asing,+
8 Si ncakapken bual,
Si angkatna tan kananna guna ersumpah palsu.
9 O Dibata, kuendeken pagi lagu si mbaru man baNdu,+
Kumainken pagi alat musik si sepuluh senarna janahku rende muji Kam.
10 Man Dibata si mereken kemenangen* man raja-raja,+
Dibata si nelamatken Daud pelayanNa gelah ula ia ibunuh alu pedang.+
11 Bebasken min aku arah tan kalak asing,
Si ncakapken bual,
Si angkatna tan kananna guna ersumpah palsu.
12 Alu bage, anak kami si dilaki bagi sinuan-sinuan si nguda denga si meter galang,
Anak kami si diberu bagi tiang-tiang si iukir si erban sudut-sudut istana mejile.
13 Dem pagi gudang-gudang kami alu hasil rani,
Asuh-asuhen kami si i juma pe reh buena, ribun kali lipat buena seh puluhen ribu.
14 Ranak pagi lembu-lembu kami janah la lit si terluka ntah pe keguguren,
La pagi lit sora tangis bas dalan-dalan.
15 Ermeriah ukur kap bangsa si bage keadanna!
Ermeriah ukur kap bangsa si Jahwe Dibatana!+